Christmas Lights sa Kastilyo ng Provincial Capitol, sumisimbolo ng Pag-asa sa bawat Cotabatenos

(Amas, KidapawanCity/ December 18, 2013) ----Kumukutikutitap ang mga makukulay na Christmas lights na mistulang isang kaharian na palasyo ang Amas Provincial Capitol sa Amas, Kidapawan city tuwing gabi.                                                                                                                        

Ito ang mapapansin ng mga dumadaan sa napakagandang ilaw at mga palamuti na inilagay sa palibot ng Provincial Capitol na nagiging tourist attraction sa probinsiya.          

                                                                                                                       

Hindi lamang mga gusali ng kapitolyo na pinailawan ng Christmas lights kundi maging ang mga halaman sa harap ng Provincial Capitol.    
                                   

Ayon sa provincial government ang napakagandang Christmas lights ay sumisimbolo ng pag-asa matapos ang mga unos at mga problemang kinakaharap ng probinsiya.                                                                                                                                    

Ang nasabing Christmas ayon kay Gov. Lala Mendoza ay bilang pag-alala sa pagkasilang ng tagapagligtas na si Hesus Kristo dalawang libung taon na ang nakakaraan.

Dito naman sa USM, kumukutikutitap, makulay at maganda rin ang inihandang mga Christmas decors ng University Student Government sa Paskuhan sa USM na nasa harap ng University Administration Building.

Samantala nagtapos na rin kahapon ang dalawang araw na Faculty Meet na tinaguriang Hilayamet 2013 sa University of Southern Mindanao kungsaan nakuha ng:

1^st –Unit III

2^nd place – IV

3^rd place –II

4^th place – I

Rhoderick Beñez

Mga sundalo, sabay na nagsagawa ng Christmas caroling ngayong kapaskuhan

SABAY na nagsagawa  ng mobile Christmas caroling ang mga miembro ng 57th Infantry Battalion at Parent-teacher Association (PTA) officers ng Batasan National High School sa Makilala, North Cotabato.

Ayon kay 57th IB Charlie Company Captain Manuel Gatuz, bahagi ito ng selebrasyon ng family day at Christmas party ng nasabing paaralan.

Abot sa sampung libong piso ang kanilang nalikom mula sa mga piling personalidad sa Makilala at Kidapawan City.

Ipinaliwanag ni Gatuz na ang aktibidad ay tanda ng pagkakaisa ng mga sundalo at mamamayan.

Pagpapakita rin umano ito sa namumuong tiwala ng mga residente sa kanilang layuning maibahagi ang tunay na kapayapaan at kaunlaran sa lugar.

….

ISINUSULONG NGAYON NG Barangay Council ng Kisante, Makilala, North Cotabato ang pag-semento ng 3.5 kilometer patungong Sitio Concepcion.

Ayon kay Barangay chair Anatalio Abeng, hihilingin ng barangay government kay Cotabato Gov. Emmylou Mendoza ang kailangang pondo upang maisaayos ang naturang kalsada.

Samantala, nangako naman si Abeng na bibigyang prioridad niya ang mal-functioning street lights sa sentro ng barangay dahil naniniwala siyang bukod sa mapaganda ang lugar, magsisilbi rin na crime deterrent ang street lights.