Rhoderick
Beñez
(Matalam, North Cotabato/ May 29, 2015) ---Patay
ang isang lalaki na di pa nakilala makaraang pagbabarilin sa National Highway
ng Kabacan-Matalam road, partikular sa Purok Quiapo, Poblacion, Matalam, Cotabato
alas 7:15 kagabi.
Ayon kay SPO1 Froilan Gravidez, ng Matalam
PNP ang biktima ay may taas 5’3, nakasuot ng long sleeves shirt na kulay asul,
naka-maong pants at rubber shoes.
Sakay ang biktima sa kanyang motorcycle
XR-200 kulay pula na may temporary plate number 1101-46899 ng mangyari ang
pamamaril sa kanya.
Sinasabing galing sa Purok Krislam ng
nasabing bayan ang biktima ng pagbabarilin ng di pa nakilalang mga suspek.
Nagtamo ng tama ng bala ang biktima sa ulo
at binti nito na nagging dahilan ng agaran nitong kamatayan.
Narekober ng mga pulisya sa crime scene ang
dalawang sachet ng shabu at ilang mga illegal drug paraphernalia’s.
Bukod dito, nakuha din sa pinangyarihan ng
insidente ang isang .38 revolver na may anim na mga bala at bala ng .45 na pistol.
Patuloy pa ngayon ang imbestigasyon ng mga
otoridad para alamin ang pagkakakilanlan sa biktima.
Malaki naman ang paniniwala ng Matalam PNP
na may kinalaman sa droga ang nasabing insidente.
0 comments:
Mag-post ng isang Komento