 |
| J/CInps Chanette Espartero |
Ayon kay
Jail Chief Inspector Mary Chanette Espartero ang nasabing programa ay bilang
pagtangkilik at pagkilala sa mga taong nasa bilangguan.
Aniya may
mga iba’t-ibang mga aktibidad silang isinagawa kagaya ng Sports Activities sa
mga detenado, feeding ng mga anak ng mga preso, legal consultation buhat sa mga
imbitadong mga PAO Lawyer’s mula sa Kidapawan city, bukod pa sa mga bumisitang
kinatawan ng korte suprema at mga hukom kasama ang mga personnel ng provincial
legal office para alamin ang sitwasyon ng mga detenado.
Maliban
dito, may mga NGO’s din na tumulong sa BJMP na namigay ng mga gamit ng mga
preso.
Lubos
namang pinasalamatan ng opisyal si Cotabato Gov. Emmylou “Lala” Talino Mendoza
sa mahigit sa Walong daang (800) mga T-shirts na ipinamigay sa mga bilanggo at
sa suporta nito sa kanilang pamunuan.
Sinabi pa
ni Espartero na kulay dilaw o “yellow” ang T-shirts na ipinasusuot ng mga
taga-BJMP sa kanilang detainees, dahil ito ang dress code ng kulungan nila nationwide
para madaling malaman ang kanilang preso.
Sa
kasalukuyan, may 808 na mga detenado ang nakakulang ngayon sa North Cotabato
District Jail, 45 dito ang mga kababaihan, 2 dito mga matatanda habang 2 naman ang
mga Children’s In Conflict with the Law o CICL.
Samantala,
anim namang mga detenado ang may sakit na Tuberculosis TB na kasalukuyang under
treatment naman ang mga ito, habang isa naman ang may malubhang sakit na
nangangailangan ng Kidney transplant, na ngayon ay nananatili sa ICU, ayon pa
kay Espartero.
Sa ngayon
bagama’t walang banta sa seguridad ang paligid ng BJMP, nananatiling
naka-alerto naman ang kanilang pamunuan.
Nakatuon
naman ang selebrasyon ngayong taon ng National Corrections Consciousness Week
sa temang “Tao Ma’y Nakapiit, Pagpapala’y Makakamit”. (Rhoderick Beñez)
0 comments:
Mag-post ng isang Komento