DXVL 94.9 KOOL FM

Publiko pina-iingat sa mga kumakalat na mga pekeng pera sa bayan ng Kabacan

Kumakalat na naman ang mga pekeng pera na siyang ginagamit ng mga sindikato sa kanilang modus operandi ngayong papalapit ang kapaskuhan.

Maging ang collector ng isang bangko dito sa bayan ng Kabacan ay naging biktima nito.

Ayon sa report, isang 500 peso bill ang iniremit nito sa kanilang opisina pero ng siyasatin ng cashier ay malayong malayong ang anyo ng nasabing salapi sa orihinal na 500 peso bill.

Posible umanong galing ang pekeng pera sa isa sa mga kliyente nila na di rin alam na peke ang perang kanyang ibinigay.

Payo naman ni P/Supt. Joseph Semillano, hepe ng Kabacan PNP sa publiko na siyasating maige ang perang ibinibigay sa inyu lalo mula sa mga pampublikong lugar kagaya ng palengke.

Ikumpara umano ang mga security features at texture ng papel sa orihinal na pera.

At kapag duda umano na peke ang perang ibinigay o isinukli sa inyu agad na isumbong sa pulisya para mapasuri sa bangko.

Nabatid mula sa mga eksperto na malalaman, kapag peke ang pera kung madaling mapunit ito.

Halimbawa sa 500 peso bill, sa kaliwang ibaba nito may nakatatak na 5-0-0 at kapag gamitan ng magnifying glass ay mababasa ang bangko sentral ng pilipinas pero sa mga pekeng pera, di ito makikita.

Karamihan sa mga pekeng pera na kumakalat ditto sa bayan ay ang P20.00, 100 at 500 peso bills.