DXVL (Periodiko Express) December 7, 2011
Guro arestado matapos akusahang nagmolestiya sa kanyang mga estudyante
Kalabuso ngayon sa Kabacan Lock-up cell ang isang 25-anyos na titser matapos lumabag ito sa R.A. 7610 o protection of children against child Abuse Exploitation and discrimination.
INARESTO ng mga operatiba ng Kabacan PNP ang nasabing guro sa isang pribadong eskwelahan matapos sampahan ng reklamong child abuse.
Ang guro na may initial na “L.V.” ay Grade 5 teacher ng isang private school ditto sa bayan ng Kabacan.
Batay sa isinampang reklamo ng ina ng isa sa mga biktima, minolestiya ng guro ang pitong mga mag-aaral ng naturang eskwelahan.
Pinakitaan raw niya kasi ng kanyang “Brgy. Chairman” ang mga mag-aaral sa loob mismo ng silid-aralan habang lunch break.
Nang makarating sa nanay ng isa sa mga estudyante ang nangyari, agad niya ito’ng inireklamo at kinasuhan.
Sumunod na rin sa nagsampa ng reklamo ang ilan pang mga magulang.
Ang reklamong paglabag sa Section 10, Article 6 sa Republic Act 7610 o Anti-Child Abuse Act ay naisampa na ng Women and Children’s Protection Desk ng Kabacan PNP sa Cotabato Provincial Prosecutor’s Office sa Kidapawan City.
Nang tunguhin naman ng DXVL News team ang paaralan, wala umano ang head administrator ng nasabing paaralan at lahat naman ng mga guro sa nasabing paaralan ay nagkaklase, ayon sa security guard na aming nakapanayam.
0 comments:
Mag-post ng isang Komento