DXVL 94.9 KOOL FM

Mga Voter’s ID di pa dumating sa tanggapan ng Comelec Kabacan

Nilinaw kahapon ni Kabacan Comelec Officer Mercedes Pijo na di pa dumating sa kanilang tanggapan ang mga voter’s id ng mga botanteng nagparehistro sa Kabacan comelec.

Ito ang paliwanag ng opisyal sa una ng inireport ng DXVL kahapon matapos inihayag ni Comelec spokesman James Jimenez na makukuha na umano ang nasabing mga id.

Ayon kay Pijo, wala pa umanong mga id’s na galing ng COMELEC central office ang dumating sa Kabacan dahilan kung bakit inalmahan nito ang nasabing report kahapon matapos na sumugod ang ilan para kunin na ang kanilang comelec id.

Sinabi ng opisyal na magbibigay lamang sila ng abiso sa mga residente na pwede ng kunin ang comelec id’s kung dumating na ito sa kanilang tanggapan.

Una rito, hindi umano maipapadala sa bawat address ng mga botante ang ID dahil walang pondo para gastusan ito.