Grupong K5, muling binuo sa bayan ng Kabacan

(Kabacan, North Cotabato/August 27, 2012) ---Binuo sa bayan ng Kabacan kamakailan ang isang non-government organization na tinawag na “Kilusan tungo sa Kapayapaan, Kalinisan at Kaunlaran sa Bayan ng Kabacan” o K5 na ang pangunahing layunin ay tutukan ang mga nangyayaring kriminalidad at mga kahalintulad na insedente sa bayan ng Kabacan.

Ayon kay K5 Pres. at Poblacion Brgy. Kagawad David Don Saure Sr., nabuo ang nasabing grupo matapos ang nangyaring sunod-sunod na patayan dito sa bayan ng Kabacan.

Isa din sa tinitingnan dahilan ng K5 na dahilan ng krimen sa bayan ay ang talamak na bentahan ng illegal na droga na isa din sa mga nais puksain ng grupo.

Sinabi naman ni Sis. Teresa Rose Salazar, OND, Directress ng Notre of Kabacan nabuo ang nasabing organisasyon nito pang taong 2009, ito para magiging aktibo ang bawat mamamayan na maging bahagi ng paglutas ng mga problema ng bayan at muling nilikha ngayong taon matapos ang nakaka-alarmang kriminalidad sa Kabacan.

Isinagawa naman sa Notre Dame of Kabacan kahapon ng hapon ang isang pagpupulong hinggil sa pagbalangkas ng mga estratihikong planu at pagsasagawa ng focus group discussion na ang layunin ay makabuo ng tinatawag na pangmatagalang kapayapaan sa bahaging ito ng North Cotabato.

Kaugnay nito, ipinakilala rin ang bagong mga miembro ng K5 ngayong taon: Pres-Kgd. David Don Saure, 1^st VP- Councilor Reyman Saldivar, 2^nd VP- James Anthon Molina, 3^rd VP- Lawrence Anthony Dollente, 4^th VP- Leah Matullano, 5^th Abdulfatah Dalid.

Secretary: Araceli Estacio; Asst. Sec.: Lydia Griño, Shiela Mae Tudlas; Tres: Celia Guiang; Asst. tres: Councilor Jonathan Tabara, Auditor: Guillermo Salcedo Sr.; PIO: Maty Grace Rapuza at Bus. Manager: Ma. Cecilia Abrenilla.

Ang Kilusan tungo sa Kapayapaan, Kalinisan at Kaunlaran sa Bayan ng Kabacan o K5 ay grupo ng mga mamamayan na nagkakaisa mula sa iba’t-ibang sektor na iisa lang ang hangarin ang panatilihin at kaayusan at katahimikan sa bayan bukod pa sa pagtutok sa kalinisan.

Kasabay nito, inilunsad din ang Kabacan I-Patrol mo na maaaring magtext ang sinasabing mga legitimate na miembro ng patrollers sa 0939-33-93-168.

Sa kanyang mensahe, sinabi si Vice Mayor Pol Dulay na suportado nito ang grupo sa kanilang magandang layunin, dumalo din sa nasabing pagpupulong si Councilor Jonathan Tabara at mga purok president ng Poblacion, Kabacan. (Rhoderick Beñez)