(Carmen, North Cotabato/ January 2, 2014)
---Anim katao ang iniulat na nasugatan makaraang sumambulat ang malakas na
pagsabog ng granada sa may bisinidad ng Sayre National Highway, Barangay
Ugalingan, Carmen, North Cotabato mag-aalas 8:00 ng gabi nitong Martes,
bisperas sa pagsalubong ng bagong taon.
Kinilala ng Carmen, PNP ang mga sugatan na
sina Carmelita tropa, 55, Sabilita Tropa, 14, Marlyn Montaire, 14; Joana Miran,
14 at John Lloyd Miran, 5 taong gulang lahat residente ng nabanggit na lugar.
Ayon sa report, naglalakad umano ang mga
biktima papunta sa simbahan para sa dumalo sa isang misa at pagdating sa
nasabing lugar ay hinagisan ang mga ito ng granada.
Nagtamo ng sugat ang mga biktima maliban kay
Narciso Tropa, retiradong Cafgu at mister ni Carmelita.
Agad na isinugod ang mga ito sa Kabacan
Medical Specialist para mabigyan ng agarang medical na atensiyon pero makalipas
ang ilang sandali ay inilipat sila sa Cotabato Provincial Hospital.
Sa ginawang post blast axamination ng EOD
team, narekober sa pinangyarihan ng pagsabog ang M67 High Explosive na granada.
Patuloy ngayon ang ginagawang imbestigasyon
ng Carmen PNP para alamin ang motibo ng insidente.
0 comments:
Mag-post ng isang Komento