DXVL 94.9 KOOL FM

Special Report Part 1:

Preventive program kontra sa paggamit ng ipinagbabawal na gamot mas epektibo para maiwasang malulong ang mga kabataan sa droga- ayon sa isang psychologist ng USM

Batay sa pag-aaral ng psychology kung ang halaga ang pagbabatayan mas mainam umano ang preventive program panlaban para maka-iwas lalo ang mga kabataan sa drug addiction kaysa sa intervention program.

Ito ay ayon kay Virginia Toyongan, isang psychologist ng College of Arts and Sciences, Extension Coordinator ng Department of Psychology ng University of Southern Mindanao.

Dagdag pa nito na nais ng kanilang departamento na maging aktibo sa pagbibigay ng mga preventive program tulad ng mga symposium para mapaalalahanan ang mga bata mula sa kanilang murang edad kung anu ang masamang maidudulot ng paggamit ng ipinagbabawal na droga hindi lamang sa kanilang kalusugan kundi maging sa kanilang kinabukasan.

Kaugnay nito magsasagawa ang Psychology department ng College of Arts and Scieneces ng Addiction Awareness Campaign sa mga grade 6 pupils dito sa bayan ng Kabacan sa darating na March 28, 2011 bilang bahagi ng kanilang extension program.