(Kabacan, North Cotabato/ October 20, 2012)
---Patay on the spot ang isang 29-anyos na lalaki makaraang pagbabarilin ng di
pa nakilalang salarin sa may Jacinto St., Poblacion, Kabacan, Cotabato alas
7:50 ng gabi nitong Biyernes.
Kinilala ng Kabacan PNP sa pangunguna ni
PC/Insp. Jubernadine Panes ang biktima na si Dennis Umangal, 29 na taong
gulang, may asawa at residente ng Plang Village 2 ng nabanggit na bayan.
Batay sa inisyal na pagsisiyasat ng mga
otoridad, sakay umano ang biktima sa minamaneho nitong kulay itim na bajaj
motorcycle na may plate number QM 9487 at binabaybay ang Jacinto st.,
partikular sa harap ng Masagana Farmers Mart ng ito ay pagbabarilin.
Nagtamo ang biktima ng iba’t-ibang tama ng
bala sa iba’t-ibang bahagi ng kanyang katawan na naging dahilan ng agara nitong
kamatayan.
Narekober sa pinangyarihan ng insedente ang
limang mga basyo ng bala ng .45 na pistol na ginamit sa pagtumba sa biktima.
Mabilis namang tumakas ang mga salarin
papalayo sa di malamang direksiyon.
Sa ngayon ini-establish pa ng mga otoridad
kung anu ang motibo sa nasabing pamamaril habang nagpapatuloy ang ginagawa
nilang imbestigasyon. (Rhoderick Beñez)
0 comments:
Mag-post ng isang Komento