(Amas, Kidapawan City/ October 16, 2015) ---Tiniyak
ng pamunuan ng Department of Education Cotabato Division na kanilang ilalabas
ang Year End Bonus ng mga guro at kawani ng Kagawaran bago ang Nobyermbre a-15.
Ito ang sinabi sa DXVL News ni Supt. Omar
Obas mg Cotabato Division kasabay ng selebrasyon ng global Hand Washing day
kahapon.
Aniya nakasaad sa batas na dapat ay
matatanggap ito ng mga guro batay naman sa halaga na matatanggap nila sa
aaprubahan ng Department of Budget and Management.
Maliban sa Year End Bonus, inaabangan din ng
mga guro ang kanilang Performance Based Bomus o PBB na nakabasi sa performance
ng kanilang mga paaralan na nag simula noong nakaraang taon kungsaan may iba’t-ibang
criteria na inilatag ang DepEd dito, ayon kay Obas.
Samantala, isang magandang hakbang din umano
ang ginawa ni Sen. Trillianes sa panukala nito tungkol sa pagtaas ng sahod ng
mga guro at nagpapasalamat din ang opisyal sa pagkilala ng mambabatas sa
pagsusumikap ng mga guro sa paghahatid ng kalidad na edukasyon hindi lamang sa
ating lalawigan kundi pati narin sa buong bansa.
Sa kasalukuyan, patuloy naman umano ang
ginagawang mga hakbang ng kanilang kagawaran para sa pagpapabuti ng kanilang
serbisyo.
Masaya ding ibinalita ng Opisyal ang isang
linggong pahinga ng mga mag aaral ng pampublikong mga paaralan sa susunod na
linggo. Rhoderick Beñez
0 comments:
Mag-post ng isang Komento