By: Ruel
Villanueva
(Amas, Kidapawan City/ October 14, 2014) ---Bilang
bahagi ng RootCrops Production Program ng lalawigan ng Cotabato, nagsagawa
kamakailan (10/1-2/14) ng Lecture on Rootcrops Production and Management, Its
Health Benefits and Food Processing ang Office of the Provincial Agriculturist
Crops Division sa Malangag, Antipas sa pangunguna ni Mr. Gabriel Nasiluan.
Ito ay nilahukan ng 35 Rural Improvement
Club members na tinuruan ng tamang pagtatanim ng cassava at pagpo-proseso nito
bilang alternative food crop sa cereals.
Sa nasabing lecture ay napag-alaman ng mga
kalahok ang nutirional value ng kamoteng kahoy at health benefits nito. Ang
cassava ay mahalagang food crop na nagtataglay ng carbohydrates na may low
glycemic index upang pagkunan ng enerhiya.
Inaasahang magagamit ng mga kalahok sa
lecture ang kanilang natutunan upang higit pang mapaghusay ang produksiyon ng
rootcrops sa lalawigan sa pamamagitan ng makabagong teknolohiya at pamamaraan.
Magsisilbi namang karagdagang income source ang pagpo-proseso ng cassava para
sa mga maybahay sa kanayunan.
Samanatala, nakapamahagi naman mahigit sa
7,000 pirasong coffee seedlings ang Environment and Natural Resource Division
ng OPA kamakailan (9/29/14 to 10/3/14) para sa mga Integrated Social Forestry
project beneficiaries nito sa Sitio Casia, Kibudtungan, Carmen; Demapaco,
Kapayawi at Malengen sa Libungan; Doles, Magpet; Malapang, Aleosan; at sa Basak
at Mahongcog, Magpet. Ito ay naglalayong mapalawak pa ang lupaing natatamnan ng
kape sa lalawigan na pawang upland areas.
Ang lahat ng programang nabanggit ay
ipinatutupad sa ilalim ng Serbisyong Totoo program ni Gov. Emmylou “Lala” J.
Taliño-Mendoza sa pamamagitan ni Provincial Agriculturist Engr. Eliseo M.
Mangliwan.
0 comments:
Mag-post ng isang Komento