Crocodile Rescue and Breeding Center Itinatayo sa Amas, Kidapawan City

Kasalukuyang itinatayo ang isang crocodile rescue and breeding center sa loob ng Capitol Compound sa Amas, Kidapawan City. Kaugnay nito, may dalawang crocodile pens ang ginagawa upang paglagyan ng mga buwayang marerescue sa Probinsy

Sa report ni Agricultural Technologist Ruel Villanueva,  layunin ng naturang center ang makalikha ng awareness at sense of responsibility sa mga mamamayan ng Cotabato ang kahalagahan ng bio-diversity upang maparami ang ilang endangered crocodile species na dito lamang matatagpuan sa Ligawasan Marsh na bahagi ng ating lalawigan.

Sa kasalukuyan, mayroon nang pitong buwaya na magmumula sa mga donors ang nakatakdang ilagay sa naturang mga crocodile pens para sa breeding purposes sa sandaling ang center ay mapasinayaan. Ang mga magiging bunga ng breeding ay nakatakda ring pakawalan sa kanilang natural habitat sa Ligawasan Marsh sa takdang panahon.

Ayon kay Dr. Sustines Balanag ng Office of the Provincial Agriculturist of Cotabato na siyang tumatayong project leader ng Crocodile Rescue and Breeding Center, target ni Governor Emmylou “Lala” J. Taliño-Mendoza na mapasinayaan ang naturang center ngayong buwan ng Abril upang magsilbing dagdag na attraction sa existing Children’s Park sa loob ng Provincial Capitol at magbigay ng dagdag impormasyon at kaalaman sa larangan ng research at siyensya.

Ang naturang proyekto ay collaboration ng Provincial Government of Cotabato sa pamumuno ni Governor Mendoza, Crocodillus Porosus Philippines Inc., isang international conservation group at ng Cotabato Agriculture and Resources Research and Development Consortium (CARRDEC) na nakabase sa University of Southern Mindanao main campus.

Read More

Sa kabila ng rat infestation, suplay ng bigas sa North Cotabato sapat – ayon sa NFA

SASAPAT sa loob ng tatlong buwan ang suplay ng bigas na nasa warehouse ng National Food Authority (NFA) sa Kidapawan City .

       

Ayon kay NFA Cotabato manager Fernando Nunez, walang shortage ng suplay ng bigas sa lalawigan.

       

Batay sa data ng provincial office ng NFA na nakabase sa Kidapawan City, abot sa 710,360 bags ng bigas ang kabuuang stocks sa buong lalawigan ng North Cotabato na itinuturing na ‘rice granary’ ng Central Mindanao.

       

Sa bilang na ito, abot sa 119,132 bags ang nasa warehouse ng NFA Cotabato; 387,235 bags sa household; at 203,993 bags sa mga tindahan o commercial establishments.

       

Kung ang pagbabatayan ay ang daily consumption requirement (DCR) ng lalawigan na abot sa 7,890 bags kada araw, ang kabuuang suplay ng bigas sa lalawigan ay sasapat sa loob ng 90 araw.

       

Ito ay sa kabila pa umano ng matinding pag-atake ng mga daga na naranasan ng lalawigan, simula pa nitong buwan ng Enero.

       

ITINANGGI rin ni Nunez na may mga pagtaas na sa presyo ng bigas sa mga pamilihan.

       

Ang price hike, aniya, ay sa buwan ng Mayo pa mararamdaman at hindi ngayong Abril.   Ito ay dahil itinuturing na lean months ang buwan ng Mayo hanggang Agosto.

Read More

Bagong Integrated Terminal ng Kabacan posibleng fully operational na sa buwan ng Hunyo –ayon sa alkalde ng bayan

Inihayag ngayon ni Kabacan Mayor George Tan na posibleng magagamit na sa buwan ng Hunyo ang bagong State of the Art Integrated Terminal ng bayan na makikita sa brgy. Kayaga, Kabacan, Cotabato.

Ayon sa punong ehekutibo abot sa P7M ang pondong inilaan sa paggawa ng bagong terminal na lilipatan ng lahat ng mga pampublikong sasakyang bumabiyahe.

Iginiit pa ng alkalde na kapag maging operational na ang nasabing terminal dapat na makipagtulungan ang lahat lalo na ang mga operators ng sasakyan para maiwasan na ang mga panghohold-up at iba pang mga kahalintulad na krimen.

Aniya, lahat umanong mga pasahero ay dapat na dadaan sa terminal para sa masusing pagsisiyasat.

Read More

Checkpoint sa National Highway sa Poblacion, Kabacan; nirereklamo ng ilang mga motorista dahil daw sa kawalan ng reflector ang kanilang mga signage

Tiniyak ngayon ni Kabacan Deputy Chief of Police Winston Seniel na padadagdagan nila ang reflector sa mga signage sa kanilang mga checkpoint na nakabase sa National Highway partikular sa Brgy. Osias at Brgy. Kayaga.

Ito ay matapos na ireklamo ng ilang mga motorista dahil sa nagiging sanhi umano ng disgrasyo lalo kung gabi dahil sa kawalan ng reflector ang nasabing mga checkpoint.

Samantala, sinabi naman ng opisyal na todo higpit ngayon ang Kabacan PNP kungsaan intact ang lahat ng mga police personnel matapos na itinaas sa red alert ang kanilang tanggapan makaraan ang diumano’y sunod-sunod na holdapan sa bayan.

Dagdag pa nito na patuloy ngayon ang kanilang 24hours na visibility patrol at foot patrol sa mga palengke at maging sa mga pangunahing lansangan ng bayan.

Read More

Isa patay, 4 sugatan sa salpukan ng 2 motorsiklo sa M’lang

DEAD on arrival sa ospital ang isang Richard Patanindagat ng Barangay Buayan, M’lang matapos ma-aksidente sa may highway ng M’lang, alas-645 ng gabi, noong Lunes.

       

Sugatan rin ang dalawa nito’ng mga anak na sina Rich May at Richard, 4 years old.

       

Sa dalawa, kritikal ang kondisyon ni Rich May at ginagamot sa isang ospital sa M’lang.

       

Sugatan din ang driver ng kasalpukan nito’ng motorsiklo na kinilalang si Gorgonio Alicante na taga-Poblacion, Tulunan at angkas nito’ng pasahero na si Eric Umambat na taga-Inas, M’lang.

       

Ayon sa report, binabaybay kapwa ng mga motorsiklo ang highway ng M’lang nang magkasalpukan sila sa gitna ng daan.

       

Dahil sa tindi ng impact ng banggaan, lahat ng mga sakay ng sasakyan tumilapon sa kalsada.   Ang driver na si Patanindagat nagtamo ng matinding sugat sa ulo na naging dahilan ng agaran nito’ng kamatayan.

       

Nabatid sa report na walang mga protective gears ang mga driver at mga pasahero ng naturang mga sasakyan.

       

Ito ang ikatlong insidente ng salpukan ng mga motorsiklo sa North Cotabato, simula noong nakaraang linggo.

       

Abot sa tatlo na ang nasawi sa naturang salpukan at lima ang sugatan.

Read More

Problema sa kanal at pag-apaw ng tubig sa Sinamar 1, Poblacion ; muli na namang nirereklamo

 

Matapos bumuhos ang malakas na ulan kagabi muli na namang binaha ang bahagi ng Sinamar 1, Poblacion, Kabacan, Cotabato.

 

Ito ay ayon sa mga residenteng naninirahan sa lugar dahil sa diumano’y hindi umuusad na kanal dala pa ng mga maruruming basurang itinatapon sa kanal na bagay namang nirereklamo ng ilang mga residente sa lugar dahil nagdudulot ng mga pagbaha sa erya.

 

Kung maalala, ilang beses ng nirereklamo ang lugar dahil sa di maayos na daloy ng tubig lalo pa’t kapag bumubuhos ang malakas na ulan tiyak na aapaw sa mga pamamahay na nasa Sinamar 1 ang tubig na nagdudulot ng mga pagbaha.

 

Kaugnay nito, agad naman naming idinulog ang nasabing problema kay Kabacan Mayor George Tan, ayon sa alkalde ang nasabing erya ay sakop umano ng pamamahala ng barangay.

 

Kaya inilapit naman namin ito kay Brgy. Poblacion Kapitan Herlo Guzman, Ayon sa kapitan aminado ito na babahain ang Sinamar 1 dahil nga sa mababa ang nasabing lugar.

 

Sa kabila nito, pupulungin ng kapitan ang mga purok president para alamin ang problema sa lugar at inatasan na rin nito ang infra committee chairman ng barangay para magawan ng karampatang aksyon ang nasabing problema sa Sinamar 1.

Una rito, panawagan rin ng opisyal sa mga residente na makipagtulungan sa kanila at wag lang basta-bastang magtapon ng basura sa kanal na naging sanhi ng pagbara ng kanal at naging dahilan ng pagbaha.

 

Obligasyon din ng bawat isa ang kalinisan sa paligid at wag lang lahat i-asa sa gobyerno.   

 

 

Read More

Read More

Driver ng Fuso truck na sangkot sa vehicular accident na ikinamatay ng 1 katao at ikinasugat ng 2, patuloy na pinaghahanap

 

Dead on Arrival sa ospital ang biktimang nakilalang si Arlo Arcenio Lucero, nasa  tamang edad, residente ng Poblacion 2, Midsayap, Cotabato makaraang aksidenteng mabangga ng sasakyan sa naganap na vehicular accident noong hapon ng Biyernes sa National Highway partikular sa Pamplona Farm, Brgy. Katidtuan, Kabacan, Cotabato.

 

Sa isinagawang imbestigasyon ng Kabacan Traffic Police, sinabi ni P01 Amor Guillermo na habang binabaybay ng isang Fuso Truck canter na may plate # LCA 781 na pag-mamay ari ni Rodolfo Redoblado at minamaneho ni alias Gang-gang na galing ng Matalam papunta dito sa bayan ng Kabacan ng subukan nitong mag-overtake sa isang Yamaha Crypton na may plate # OB 6987 na minamaneho ni Regina Balpongo, nasa tamang edad at residente ng Lower Malamote, Matalam, Cotabato kasama ang backrider nitong nakilalang si Carl Ryan Alferez residente rin ng nabanggit na lugar.

 

Sa inisyal na pagsisiyasat ng mga otoridad lumalabas na habang iniiwasang mabangga ng Fuso Truck Canter na galing ng Matalam ang kasalubong nito na motorsiklo aksidente naman itong sumalpok sa isa pang Fuso Truck din na galing ng Kabacan Papuntang Matalam na may plate # RHY 312 na minamaneho ni Suarez Cris Cedeno ng Makilala.

 

Dahil sa lakas ng impact sugatan ang ilang mga sakay ng nasabing mga sasakyan habang dead on Arrival naman si Lucero na  nakatayo lamang sa likurang bahagi ng kanyang  XLT Fuso Jitney bearing plate # CSP 477 na pag-aari ni ginoong Edgard Fabian residente ng Bonifacio St. Kabacan habang nakaparada lamang sa gilid ng National Highway ng madamay ito sa nasabing banggaan.

 

Agad namang tumakas ang driver ng Fuso truck canter na nakabangga kungsaan patuloy namang pinaghahanap ng mga otoridad.

 

Mabilis namang isinugod sa Polymedic Hospital ang mga sugatan subalit kabilang na dito si Arcenio Lucero ng Midsayap subalit ideneklara naman siyang dead on arrival ng mga attending physician.

 

Read More

Mindanao food highway, prayoridad ng MinDA

Isinusulong ng Mindanao Development Authority (MinDA) ang pagtatapos ng pinakamalaking kalsada na mag-uugnay sa Timog at Hilagang Mindanao. Ito rin ay inaasahang makakatulong sa pagbabawas ng matinding daloy ng trapiko at magbubukas ng daan para sa itinuturing na “Mindanao food highway.”

Sa pinakahuling pagpupulong, hiniling ng MinDA board kay Pangulong Benigno Aquino III, ang pagtugon sa pagtatapos ng bahagi ng Mindanao food highway, ang Kapalong-Talaingod-Valencia Road.

Ang kalsada ay may habang 128.16 kilometro at nangangailangan ng pondong =P=3.64 bilyon. Sinimulan na ito noon pang taong 2007, subalit dahil sa kakulangan ng pondo, ito ay hindi natapos.

Batay sa pinakahuling ulat na tinukoy ng MinDA, karagdagang =P=2.29 bilyon ang kinakailangan para sa pagtatapos ng pagse-semento at iba pang “ancillary works” ng kahabaan ng buong proyekto.

Ang Kapalong-Talaingod-Valencia road ay isinumite ng maging national road subalit ito ay hindi nabigyan ng pondo sa 2011 General Appropriations Act.

Ayon kay MinDA chair secretary Luwalhati Antonino, kung matatapos ang kalsadang ito, magiging mabilis ang paggalaw ng mga paninda at ang mga presyo ng mga produkto ay bababa. Ito rin umano ay makakatulong sa pagpasok ng mga turista mula sa Cebu at Bohol sa ilang bahagi ng Mindanao. 

Read More

Magpet PNP Lumipat na sa bago nilang tanggapan

LUMIPAT na sa dalawang palapag na tanggapan ang Magpet PNP nitong nakaraang araw ng –Martes.

Mismong si Magpet mayor Efren Pinol ang nanguna sa ginawang turnover rites na sinaksihan din ng mga mataas na opisyal ng PNP mula sa regional office 12.

Kabilang sa mga sumaksi sa paglilipat ng Magpet PNP sa kanilang bagong tahanan sina PNP regional director Atty, Chief Supt. Gil Meneses, kasama sina Supt. Lester Camba at Supt. Ed Hiso ang deputy provincial director ng North Cotabato PNP.

Sa kanyang talumpati, pinasalamatan ni mayor Pinol ang pamunuan ng PNP sa paglalaan ng pondo para maisakatuparan ang konstruksiyon ng dalawang palapag na PNP building.

Ang dalawang palapag na PNP building ay mayroong comfort rooms, mga tanggapan ng ibat-ibang dibisyon at may magkahiwalay na kulungan para sa mga minor offenders at mga babae at lalaking inmates.

Matatagpuan ang bagong gusali ng Magpet PNP sa mismong kanang bahagi ng municipal hall. Maliban sa mga pasilidad ng gusali, mayroon din itong malawak na parking area.

Inatasan naman ni mayor Pinol ang mga miyembro ng Magpet PNP na magiliw nilang pagsilbihan ang kanilang mga kliyente (with report from Williamor Magbanua) 

Read More

Kabacan PNP nasa Red alert status matapos ang sunod-sunod na panghohold-up sa bayan

Agad na itinaas na red alert status ang pamunuan ng Kabacan PNP matapos ang sunod-sunod na insedente ng panghohold-up sa Kabacan, Cotabato.

Ito ang inihayag kahapon ni Kabacan chief of Police P/Supt. Joseph Semillano kungsaan mas pinaigting ngayon ang kanilang hot pursuit operation at patuloy pang inaalam ng mga otoridad ang istilo at kung anu ang grupo ang umano’y responsable sa naganap na panghohold-up sa bayan.

Napag-alaman na alas 3:55 noong Huwebes ng hapon hinold-up ng limang mga armadong kalalakihan ang isang air conditioned Weena Bus na may plate number MVU 540 at may body number ERIC-VIII na minamaneho ni Enrico Cabasag, 43, may asawa at residente ng Anacleto Budoy St., Pob. 4, Cotabato City.

Ayon sa report nagdeklara ng hold-up ang limang mga suspek na kabilang sa pasahero ng bus habang binabaybay nila ang National Highway ng Barangay Osias ng bayang ito patungong Matalam. Tinutukan ng baril ng isa sa mga suspek ang driver para pahinaan ang takbo ng bus.

Lulan ng bus ang mahigit kumulang sa 30 mga pasahero kung saan kinulimbat ng mga salarin mula sa kanila ang di pa natukoy na halaga ng pera at mga alahas at ilan pang mga personal belongings ng mga pasahero. 

Bumababa ang mga suspek sa barangay Katidtuan at nakaabang na ang dalawang motorsiklo bilang get away vehicle.

Ayon sa isang naka-saksi inilarawan nito ang isa sa mga motorsiklo na kanyang nakita na isang Honda TMX 155, kulay pula at may plate number 1780.

Samantala, dakong alas 12:10 ng tanghali nitong Biyernes, hinold-up rin ng dalawang di pa nakilalang mga armadong kalalakihan ang isang store na pag-mamay-ari ni Flordaliza Jusa, 38, may asawa at residente ng Brgy. Osias ng bayang ito.

Naganap ang pang-hohold-up sa loob ng Kabacan Public Market partikular sa Corner Jacinto St. at Mapanao St., Poblacion, Kabacan, Cotabato.

Tinutukan ng .45 na baril ng mga suspek ang tatlong mga helpers na sina: Rielmar Buno, 17, residente ng Mapanao St. Poblacion, Kabacan, Ian Gatoan, 18; Mac-mac Lindoan, 17 kapwa residente ng Bintangan, Carmen, Cotabato para di pumalag.

Nakuha ng mga holdaper ang perang nagkakahalaga ng mahigit kumulang sa P20,000.00 maliban pa sa isang unit ng N70 reloading cellphone with load content na abot sa P40,000.00. Nakuha rin ang isang unit na N73 cellphone, 2 units ng cellphone reloader na di natukoy kung magkano ang halaga.

Sa iba pang mga kaganapan, hindi umano totoo ang nangyaring hold-up sa Wei hong enterprises na nasa National Highway. 

Batay sa report ng Kabacan PNP, isa lamang itong false alarm.(RB)

Read More