2 bayan sa North Cotabato binabantayn ng Phivolcs dahil sa madalas na paglindol

(February 12, 2012) ---Posible raw maranasan ng taga-North Cotabato ang lindol na tumama sa ilang bahagi ng Visayas nitong Lunes.

Bagama’t mahina raw ang pinsala na idudulot ng lindol dahil matigas ang rock formation at wala ring fault line, mas maige nang naghahanda.

Binabantayan din ng Phivolcs ang mga bayan ng President Roxas at Makilala dahil madalas ang swarming o localized earth movement.

Kaya, ayon sa Phivolcs, mas mahalaga na mapalakas ang information dissemination patungkol sa lindol at sa mga dapat gawin kapag may mga sakuna para iwas-disgrasya.

Sinasabi rin ng Phivolcs na kapag aware ang tao sa dapat nilang gawin, naiiwasan ang pagpa-panic ng mga mamamayan.  

Read More

5 mga heavy equipment sinunog ng umano mga NPA sa Kidapawan City

(Kidapawan City/February 11, 2012) ---Limang mga heavy equipment na pag-aari ng isang private construction firm ang sinunog ng umano mga rebeldeng New Peoples’ Army (NPA) sa may Barangay San Roque, Kidapawan City, alas-onse ng tanghali, kahapon.

         

Sa mga equipment, tatlo rito ay heavy dumptruck, isa ang pay loader, at ang isa ay backhoe.

         

Tinaya ng Kidapawan City PNP sa P7 million ang halaga ng mga sinunog na mga sasakyang pag-aari ng Ricardo dela Cruz Interior  Construction (RDCIC).

         

Ayon kay Inspector Rolando Dillera, hepe ng investigation division ng Kidapawan City PNP, anim katao na sakay ng tatlong mga motorsiklo ang pumasok sa erya. 

Armado umano ng dalawang baby armalite, isang UZI, at tatlong caliber 45 pistol ang mga lalaki na nagpakilalang mga NPA.

Bitbit din nila ang tatlong mga galloon ng gasolina na kanilang ginamit para sunugin ang mga sasakyan.

         

Di naman daw ginalaw ng mga suspect ang mga trabahante ng kompanya.

ANG RDCIC ang siya’ng contractor sa nagpapatuloy na road rehabilitation project sa Kidapawan-Makilala highway sa North Cotabato.

         

Nakabase sila sa Barangay Amas sa Kidapawan City.

Duda si Mayor Rodolfo Gantuangco na extortion ang nasa likod ng panununog.  

Read More

Investigation at blotter report ng mga police sa R-12, i-hightech na

(February 11, 2012) ---Hindi na sa pamamagitan ng VHF ipapasa ang mga investigation at blotter reports ng mga police units sa buong Region 12.

         

Ito ay sa pamamagitan na ng internet at sa iba pang mga advanced technology sa reportage.

         

Ang tawag nila rito ay e-blotter o electronic blotter.

Bago lamang ay inilunsad ng Philippine National Police Regional Office Number 12 ang computerized crime incident
reporting system o ang e-blotter.

Sinabi ni Chief Supt. Benjardi Mantele, Region 12 police director, na nito’ng linggo’ng ito ay nag-deploy na sila ng e-blotter software sa iba’t ibang mga police stations sa buong rehiyon.

Sakop ng Region 12 ang mga probinsiya ng South Cotabato, Sultan Kudarat,Sarangani, North Cotabato, at mga lungsod ng General Santos, Koronadal, Tacurong, Kidapawan, at Cotabato.  

Read More

MENRO ng Makilala nagbigay ng warning sa mga nagtatapon ng basura sa highway

(Makilala, North Cotabato/February 11, 2012) ---Anim katao at mga establisiemento, pawang nakatira sa bayan ng Makilala, ang madalas nagtatapon ng basura sa may highway – isa sa mahigpit na ipinagbabawal ng DENR at ng Makilala LGU.

         

Kilala na raw sila ng Municipal Environment and Natural Resources Office o MENRO ng Makilala.

         

Ayon kay MENRO Engineer Walter Ruizo, ipapatawag na sila – anumang araw sa susunod na linggo – para papagpalinawanagin kung bakit sa highway nila itinatapon ang kanilang mga basura.

         

Sinabi ni Ruizo na may karampatang parusa na naghihintay sa kanila.

         

Samantala, apat na establisiemento pa ang naaktuhan na nagtatapon ng basura sa may Makilala-Tacurong highway.

         

Posible, ayon kay Ruizo, ang mga establisiemento’ng ito ang siya’ng responsable sa pagtatapon ng saku-sakong basura sa highway.

         

Warning ni Ruizo na kapag ‘di tumigil sa ganito’ng gawain ang naturang mga tindahan, posibleng tanggalin ang kani-kanilang mga permit to operate

Read More

Producer ng bio-diesel fuel papasok sa bayan ng Arakan, N Cotabato; pero LGU di pa resolbado sa proyekto

PLANO ng Secura International Corporation, isang biotech company, magtayo ng planta para sa bio-fuel na isang uri ng ga-as na hindi makasisira sa kalikasan.

       

Balak ng kompanya itayo ang planta at ang malawak na plantasyon ng damo na gagamiting bio-fuel sa bayan ng Arakan, North Cotabato, partikular sa mga bakanteng lupa na walang tanim na pagkain.

       

Abot sa 2,000 ektaryang lupa ang kailangan nila para itayo ang planta ng bio-diesel sa erya.

Ayon kay Danny Manayaga, presidente ng Secura International Corporation, abot sa 35 million US dollars o katumbas na P1.57 billion ang ilalagak nila’ng kapital sa bayan ng Arakan kung papayagan sila ng LGU mag-negosyo sa kanilang bayan.

HINDI pa resolbado ang Arakan LGU sa plano ng Secura. Ito, ayon kay Arakan acting mayor Villasor Rubino, ay dahil patuloy pang pinag-aaralan ng Sangguniang Bayan at ng Municipal Environment and Natural Resources Office ang posibleng epekto’ng idudulot nito sa kabuhayan ng mga lumad at sa kalikasan.

Pero malaki ang paniniwala ni Rubino na environment-friendly ang naturang proyekto.

Ang kailangan lamang daw ay ma-secure ng mga kaukulang permit ang Secura para makapagsimula sila ng negosyo sa Arakan.  

Read More

Cotabato Provincial Library may bagong computerized library system

Written by: Brex Bryan Nicolas

Nag-ooperate na ang Cotabato Provincial Library ngayon, gamit ang modernong sistema sa library operation.

Kung dati rati ay manuhan ang paghahanap ng libro, ngayon ang nabanggit na silid aklatan ay gumagamit na ng computerized set-up, ito ay ang Online Public Access Catalogue (OPAC) system, barcode scanner at ang e-brary station.

Sa Online Public Access Catalogue (OPAC) system, mas pinabilis ang paghahanap ng mga gustuhing libro.

Ang Barcode scanner at labels naman ay ginagamit para sa seguridad ng mga libro, upang mas mapabilis ang pag-iinventory ng mga ito.

Samantalang ang E-brary station naman na may apat na computer ay magagamit sa online browsing, ito rin ay magagamit upang tingnan ang ilang mga dokumento sa National Library of the Philippines at iba pang mga provincial library dito sa Pilipinas.

May mga bagong study carrels at bookshelves din ang bagong pintang library, at mga bagong biling libro.

Nasa plano din ngayon ng provincial government na magpatayo ng hiwalay na gusali para sa provincial library at museum.

 

Ang Library Automation project na ito ay ipinatupad ni Gov. Emmylou “lala” Talino-Mendoza, at may layuning makasabay sa makabagong teknolohiya sa larangan ng impormasyon at upang matupad ang misyong mapalawig ang kalidad ng serbisyo sa mga mambabasa.

Matatagpuan ang Cotabato Provincial Library sa ikatlong palapag ng Rosario P. Diaz Capitol Building, Provincial Capitol Compound, Amas, Kidapawan City

Read More

Babae ginayuma sa North Cotabato?

(Kabacan, North Cotabato/February 10, 2012) ---Ginayuma umano ng isang matandang driver na may taglay na ‘anting-anting’ ang labing-siyam na taong gulang na mag-aaral sa isang eskwelahan dito sa bayan ng Kabacan.

Ito ay ayon sa isang albularyo na gumamot kay Melissa, di niya tunay na pangalan at tubong M’lang, N Cotabato.

Kwento ng isang testigo, madalas daw sumakay ang dalaga sa may front seat ng passenger multi-cab ng matandang driver kapag bumibyahe ito mula bayan ng M’lang patungo ng Kabacan.

Sa isang source na nakuha ng DXVL Radyo ng Bayan napag-alaman na pinahiran ng anting-anting ng matanda ang dalaga kaya raw halos dumidikit na sa kanya ang babae. Kaya naman sa halip sa eskwelahan pumupunta ang dalaga, sa tinitirhan ng driver sa Kidapawan City raw ito naglalagi.

            

No’ng di makauwi si Melissa, nataranta na ang mga magulang nito at hinanap siya.  Kaya nong Makita na siya agad pinagamot ang dalaga sa isang albularyo na taga-Davao City. At no’ng mahimasmasan ang dalaga, wala raw siya’ng maalala sa mga nangyari.

      

Pinagamot din siya sa isang ospital at nabatid mula sa mga eksperto na dumadaan sa matinding depresyon ang dalaga at hindi raw ito dala ng gayuma o anumang ‘anting-anting.’

At pag di raw ito maagapan ay baka bumagsak sa Alzheimer’s Disease ang kanyang sakit – isang sakit ng pagkalimot.  Sa ngayon ay balik-ekswela na ang bata at todo-bantay na siya ng kanyang mga kaanak at mga kaibigan para di na uli maligaw o mawala sa sarili. 

Samantala, hanggang ngayong tanghali na lamang ang deadline ng mga entries para sa inyung mga sulat sa programang love notes with oliver twist valentine’s day edition year 4. Ang sinumang mananalong sulat kasaysayan sa pag-ibig ay iaanunsiyo sa araw mismo ng mga Puso sa February 14.  (Rhoderick Beñez)

Read More