04:47PM

Pagbabawal sa mga minor de edad sa mga internet café’s during curfew hours; mahigpit na ipapatupad sa Kabacan, Cotabato

Bilang pagtalima ng Kabacan LGU sa Republic Act 7610 na naglalayong maprotektahan ang mga kabataan sinabi ngayon ni Municipal social Welfare and Development Officer Susan Macalipat na mahigpit na ipinapatupad ngayon sa bayan ang pagbabawal sa mga minor de edad ang pumasok sa mga internet café’s kung curfew hours.

Kaugnay nito, isinagawa ngayong hapon sa Kabacan Municipal Gymnasium ang briefing kungsaan ipinatawag hindi lamang ang may ari ng mga internet café’s kundi maging ang mga video bars owners para mapag-usapan at maipaliwanag sa kanila ang nakasaad sa nasabing batas.

Nakasaad kasi sa Republic Act 7610 ng section 2, na dapat maproteksiyunan ang mga minor de edad lalo ang mga kabataan sa anumang anyo ng pang-aabuso, diskriminasyon, pagpapabaya, pagmamalupit at iba pang kahalintulad nito.

Kaya naman umaapela si Macalipat sa lahat ng mga magulang at sa lahat ng pamunuan ng paaralan sa Kabacan na tulungan sila sa nasabing kampanya laban sa pagbabawal sa mga minor de edad sa mga internet café’s kung curfew hours.

Katuwang din ng nasabing pamunuan ang pagpapatupad ng Executive Order 2010-04 ang MSWDO Kabacan, DILG-Kabacan, Kabacan PNP, Municipal Treasurer’s Office at ng Mayor’s Office.

Read More

04: 45PM

College of Agriculture ng USM; muli na namang nilooban

Muli na namang niransak ng mga di pa nakilalang mga salarin ang College of Agriculture ng University of Southern Mindanao kaninang madaling araw.

Sa inisyal na report ng Kabacan PNP, pwersahang sinira umano ng mga kawatan ang main door ng nasabing gusali sa pamamagitan ng pagtanggal ng plywood cover sa man hole na lalagyan ng aircon para gawing daanan.

Pinasok ng mga di pa nakilalang mga salarin ang agronomy office sa pamamagitan ng pagsira ng padlock ng pintuan at tinangay ang isang unit ng brand new LCD na nagkakahalaga ng P30,000.00.

Maging ang College of Agriculture Library ay hindi din pinalampas ng mga kawatan kungsaan ninakaw mula sa nasabing silid-aklatan ang isang unit ng cellphone, isang unit ng cellphone Charger at di matukoy na halaga ng mga coins.

Hindi pa makuntento ang mga ito, sinira din nila ang padlock ng pintuan ng Guidance Office ng nasabing kolehiyo.

Natangay din ng mga salarin ang isang unit ng disc top computer matapos na pinasok din nila ang LSG Office ng nsabing kolehiyo.

Ito na ang pangatlong insedente ng panloloob sa nasabing kolehiyo.

Kung maalala noong nakaraang buwan, abot sa dalawampung libong piso ang nalimas ng mga magnanakaw buhat sa opisina ng Dean ng kolehiyo ng maganap din ang kahalintulad na insedente.

Patuloy ngayong iniimbestigahan ang nasabing pangyayari.

Read More