(Datu Piang,
Maguindanao/October 1, 2013) ---Muling sumiklab ang sagupaan sa pagitan ng
kasapi ng Bangsamoro Islamic Freedom Fighters (BIFF) at ng tropa ng mga sundalo
sa bayan ng Datu Piang, Maguindanao alas 9:30 nitong Lunes.
Ayon kay 6th Infantry
(Kampilan) Division Philippine Army, Spokesman Colonel Dickson Hermoso pinasok
ng mga rebeldeng grupo ang Brgy Madtalbayog, Brgy Glaci, Brgy Magaslong at Brgy
Gumbay sa nasabing bayan kung saan inatake ng mga rebelde ang posisyon ng 45th
Infantry Battalion Phil. Army at mga tauhan ng Citizen Armed Forces
Geographical Unit (Cafgu).
Dahil sa tindi ng
bakbakan nagsitakbuhan ang mga sibilyan patungo sa mga ligtas ng lugar.
Karamihan sa mga
nagsilikas ay pumasok sa Notre Dame High School, Municipal Gym at simbahang
katoliko.
Napasok na rin ng BIFF
ang Poblacion proper kaya nahihirapan ang militar at pulisya sa seguridad ng
mga sibilyan.
Ngunit ayon kay Colonel
Hermoso dakong alas 4:20 ng madaling araw ay umatras ang mga rebelde.
Walang nasugatan at
nasawi sa panig ng militar at Cafgu habang di matiyak sa BIFF.
Sa kasalukuyan ay
patuloy na tinutugis ng militar at pulisya ang papatakas na BIFF. (Rhoderick
Beñez)
0 comments:
Mag-post ng isang Komento