(Kabacan, North Cotabato/ August 8, 2014)
---Hinold-up ng dalawang di pa nakilalang mga suspek ang mag-inang negosyante
at tinangay pa ang sinasakyang motorsiklo ng mga ito sa Sitio Dima, Brgy.
Cuyapon, Kabacan, Cotabato alas 7:00 kahapon ng umaga.
Sa report na nakarating sa Kabacan PNP
nakilala ang mga biktima na sina Grace Pascual Domingo, 24-anyos habang
nakilala naman ang ina nitong si Rosita Domingo, 63-anyos kapwa residente ng
Brgy. Kilagasan ng bayang ito.
Sa inisyal na pagsisiyasat ng mga kapulisan,
na habang nangongolekta ng itlog ng itik ang mga ito par asana gawing balut at
bigla na lamang nilapitan ang nakababatang Domingo at tinutukan ng baril at
nagdeklara ng hold-up.
Pwersahang kinuha ng mga suspek ang clutch
bag ng biktima na naglalaman ng mga resibo, bank cash deposit, Driver’s license,
motors id, ONB ATM card at cash na nagkakahalaga ng P2,000.
Liban dito, tinangay pa ng mga suspek ang
motorsiklo ng biktima na isang Honda Wave 100 at may license plate 2297 MZ na
siya’ng ginamit ng mga suspek bilang get-away vehicle.
Mabilis na tumakas ang mga suspek sa di
malamang direksiyon.
Agad namang nagsagawa ng follow-up
operasiyon ang mga kapulisan sa ilalim ng superbisyon ni P/Supt. Jordine
Maribojo, pero bigong mahuli ang mga suspek. Rhoderick Beñez
0 comments:
Mag-post ng isang Komento