(Matalam, North Cotabato/ August 4, 2014)
---Patay ang isang magsasaka makaraang tamaan ng bala sa tiyan sa girian ng
dalawang pangkat sa pinag-aawayang lupa sa bahagi ng Sitio Maligaya, Brgy.
Lower Malamote, Matalam, North Cotabato alas 7:20 kaninang umaga.
Kinilala ni PCI Elias Diosma Colonia, hepe
ng Matalam PNP ang biktima na si Ronald Borgonios, 44-anyos, residente ng Purok
7B, Brgy. New Antique, Mlang, North Cotabato.
Napag-alaman na nag-aani ng palay ang mga
magsasaka sa nasabing lugar na pag-mamay ari ni Manuel Teniripe ng paputukan
ang mga ito ng ng mga armadong grupo
buhat sa brgy. Cuyapon sa bayan ng Kabacan, ayon pa kay SPO1 Froilan Gravidez
ng Matalam PNP.
Alas 11:00 kaninang umaga ng makuha ng
kapulisan ang bangkay ng biktima ng rumesponde ang tropa sa lugar para
magsagawa ng imbestigasyon.
Sinasabing away-lupa ang nakikitang
pinag-ugatan ng nasabing laban ng dalawang pangkat sa lugar sa matagal ng
boundary conflict sa hangganan ng bayan ng Matalam at Kabacan.
Una na ring sinabi ni Executive Assistant to
the Mayor Yvonne Saliling na Nag-usap na rin sina Kabacan Mayor Herlo Guzman
Jr. at Matalam Mayor Oscar Valdevieso para matuldukan ang matagal ng
pinag-aawayang lupa sa lugar. Rhoderick
Beñez
0 comments:
Mag-post ng isang Komento