Welcome Class 2015

Welcome Class 2015

Sa lahat ng mga sumuporta sa ating programa at aktibidad sa ika-siyam na taong anibersaryo ng DXVL FM! Maraming Maraming salamat po sainyu! Sa aming mga sponsors at mga mga naging katuwang sa Tree growing Activity, Bloodletting Activity at sa Hatawan Para sa Batang Nangangailangan, taos puso po kaming nagpapasalamat… hanggang sa susunod na taon Kakoolitan…

DXVL Staff

...

Qualifying exam sa mga nagnanais makapagtrabaho sa Landbank itinakda sa Enero 14

Written by: Danilo Doguiles

Courtesy of: Google
KORONADAL  CITY,  January 7, 2012 (PIA)  --  Magandang  balita sa mga nagnanais  makapagtrabaho  sa  LandBank of the Philippines o  Landbank, nakatakdang  magsagawa ng   qualifying  exam  ang  naturang  bangko sa   susunod  na Sabado,  Enero 14.

Ayon sa  kalatas  na inilabas ng  Landbank, naghahanap  sila  ngayon  ng  mga mangagagawang  maaring pupuno sa kanilang  kakailanganing  tauhan sa planong  expansion  program sa iba’t ibang  bahagi ng  Mindanao ngayong  taon, kabilang  na dito ang bagong  Landbank na  bubuksan sa  bayan ng  Buluan sa  Maguindanao.

Subalit bago pa ang  qualifying exam  sa   Mindanao  State University High School Campus sa  Laurel St.,  General  Santos City sa  Enero 14,  kailangan munang  dumaan ang mga nagbabalak makapagtrabaho  sa pre-screening.

Para sa  pre-screening  maaaring pumunta sa pinakamalapit  na  tanggapan  ng  Landbank o sa  Landbank Regional Office 12  sa 3rd Floor, Landbank Building, Aquino St., Koronadal City.   Gagawin ang  pre-screening sa  Enero  9 (Lunes) at Enero 10 (Martes). 

Dalhin lamang ang  sumusunod:  application letter, biodata at  certified  true copy ng transcript of  records.

Paalala ng  Landbank  hindi papayagang  kumuha ng  qualifying exam ang mga  hindi kasama  listahan ng  mga  pre-screened  na  aplikante.

Bukas ang trabaho sa mga  may  bachelor’s  degree sa  mga kursong may kaugnayan business at  engineering, may  civil  service eligibility, at hindi lalampas sa  25  ang  edad.  

Libu-libong board Ft. ng mga kahoy, nakumpiska ng mga otoridad sa Sitio Lumayong, Kabacan, Cotabato


Written by: Rhoderick Beñez


(Kabacan, North Cotabato/January 6, 2012) ---Tinatayang aabot sa lima hanggang anim na libung board ft., na mga kahoy ang nakumpiska ng pinagsanib na pwersa ng Kabacan PNP sa pangunguna ni P/Supt. Josep Semillano, Cotabato Police Public safety Company at ng Kabacan Municipal Environment and National Resources Office o MENRO sa isinagawang raid alas 10:30 kaninang umaga sa loobang bahagi ng Sitio Lumayong, Brgy. Kayaga, Kabacan, Cotabato.

Ayon kay P/Supt. Alexander Tagum, hepe ng CPPSC iba’t-ibang klase ng mga troso ng kahoy ang kanilang nakumpiska kagaya ng Lawaan, Molave, Apitong, Palkata at iba pang mga hardwood na kahoy na aabot sa limang libung board ft. di pa kasali dito ang mga finish lumber. 

Batay sa report ang mga kahoy ay pinaanud umano sa pamamagitan ng Rio Grande de Mindanao na galing naman sa mga kabundukan ng Bukidnon at Cotabato province.
Bagama’t walang naabutan ang mga otoridad sa erya, agad namang dinala ang mga kahoy sa Cotabato Provincial Capitol, karga mula sa dalawang dumptruck na pinadala ni Cotabato Governor Emmylou “Lala” Taliño Mendoza.

Una rito, aminado naman si Kabacan Menro Officer Jerry Laoagan na may mga report na illegal bagasuhan sa bahagi ng Lumayong pero di pa nila batid kung kailan ito nagsimula.
Nakuha naman mula sa erya ang dalawang circular sawmill na ginagamit ng mga trabahante sa lugar.

Kung ang DENR Forest Ranger ng Kabacan at Carmen na si Amor Baniaga ang tatanungin abot lamang umano sa 3 libung board ft. ang nakumpiska ng mga otoridad.
Taliwas naman ito sa tantsa ng mga Pulis.

Ang lugar kungsaan, isinasagawa ang illegal na bagasuhan ay nasa lupa umano ni Datu Jimmy Matalam, ayon sa report.

Sa ngayon di pa mabatid ng mga otoridad kung sinu ang nag-mamay-ari ng sangkaterbang mga illegal na mga pinutol na mga kahoy, na ayon pa sa MENRO Kabacan ay walang permit.


Relief distribution para sa mga biktima ng baha isinagawa sa bayan ng Datu Montawal, Maguindanao

(Datu Montawal, Maguindanao/Janauary 6, 2012) -- NANGUNA si Datu Ohto Montawal, ang municipal mayor ng Datu Montawal, Maguindanao sa relief distribution na isinagawa, kamakalawa, sa may labing-isang barangay na binaha noon pang nakaraang linggo.

Abot sa 3,447 packs ng grocery at iba pang relief items ang naipamahagi ng Montawal LGU sa mahigit 4,000 pamilya na apaektado ng baha.

Tumanggap ng 483 packs ang Barangay Bulit; 435 sa Barangay Pagagawan; 250 packs kapwa sa mga barangay ng Tunggol at Talapas; 322 sa Barangay Limbalod; 250 packs sa Barangay Batungkayo; 257 packs sa Barangay Nabundas; 400 packs kapwa sa mga barangay ng Maridagao at Dungguan; 350 sa Barangay Bulod; at 300 packs sa Barangay Talitay.

Ang halaga na ginamit ng LGU para sa relief distribution ay kinuha nila mula sa calamity fund nila, ayon kay Mayor Montawal.

Sinabi ni Montawal na marami sa mga biktima ng baha ‘di pa nakabalik sa kanilang mga barangay dahil hanggang ngayon ay mataas pa rin ang tubig-baha.

At posible na tatagal pa ang baha dahil tuluy-tuloy pa rin ang pag-ulan sa lugar.  

Malaking Pulitiko at opisyal ng PNP, tinuturong nasa likod ng Tentorio’s Killing?

(KIDAPAWAN CITY/ January 6, 2012)— Mismong si Congresswoman Nancy Catamco ng ikalawang distrito ng North Cotabato ang tutungosa lugar kung saan itinatago si Jimmy Ato, ang itinuturo’ng primary suspect sa pagpatay sa pari’ng Italyano na si Fausto Tentorio.

Sinabi ng opisyal na personal niya’ng aalamin mula kay Ato kung ano ang alam nito sa krimen ng pagpatay sa pari.

Hanggang ngayon kasi ay may pagdududa si Catamco sa mga inilalabas na impormasyon ng National Bureau of Investigation o NBI patungkol sa kaso.

Kung ang NBI ang tatanungin, sinabi nito na ikinanta na ni Ato ang mga taong nasa likod ng pagpatay, kabilang na rito ang isang malaking pulitiko at opisyal ng PNP sa North Cotabato.

Gayunman, ang pagkakilanlan ng mga taong ito ay patuloy na itinatago sa publiko ng NBI hangga’t ‘di pa kumpleto ang kanilang imbestigasyon.

Ang problema ni Catamco ngayon ay kung saan niya pupuntahan si Ato.

Sinasabi ni Atty. Virgil Mendez ng NBI na si Ato at ang kanyang pamilya ay itinatago nila sa isang safe house sa Cagayan de Oro.

Pero sinasabi naman ng ilang opisyal ng Malakanyang na malapit sa kongresista na si Ato ay nasa NBI central office sa kalakhang Maynila.

Sa kabila nito, pursigido ang kongresista na makita at makausap si Ato na isa sa kanyang mga lider noong nakaraang eleksyon.  
         

Power interruptions naranasan sa North Cotabato; load curtailment ng NGCP tinumbok na dahilan

(KIDAPAWAN CITY/January 6, 2012) – Abot sa halos 70 porsiento ang load curtailment o bawas sa suplay ng kuryente sa mga electric cooperative at mga private utility sa buong Mindanao.

Ito ayon sa pinakahuling data na ipinalabas ng National Grid Corporation of the Philippines o NGCP.

Kung dati, 100 megawatts lang ang ibinawas sa mga power firm, ngayon, nadagdagan ito ng 50 megawatts, ito rin ang dahilan kung kaya’t sa umaga, 50 megawatts ang ibinawas sa kabuuang suplay ng kuryente sa Mindanao, at sa bandang hapon, abot na ito sa 100 megawatts.

Posibleng maapektuhan na naman dito ang Cotelco sa nasabing load curtailment.
         
Ayon kay Vincent Baguio, ang information officer ng Cotelco, abot sa 10 megawatts o 32 porsiento mula sa 32 megawatts na suplay ng kuryente ang ibinawas sa load nito sa kada araw.
         
Sinabi pa ni Baguio na magpapatuloy ang load curtailment, hangga’t ‘di nadadagdagan ang planta o power source ng Mindanao grid.
         
NAKA-DEPENDE ang suplay ng kuryente sa Mindanao sa mga hydro-electric power plant.
         
Katunayan, abot sa 53 percent sa 1,682 megawatts na kabuuang suplay ng kuryente sa Mindanao ay mula sa mga hydro-electric power plant sa Agus, Lanao del Sur, at Pulangi sa Bukidnon.
         
SIMULA pa nitong nakaraang araw, tig-ta-tatlumpung minuto ang power interruption sa kada feeder o sub-station sa buong service area ng Cotelco.

Ang power interruption nagsisimula bandang alas-8:30 ng umaga hanggang 5:30 ng hapon; at mula 5:30 ng hapon hanggang alas-otso ng gabi.  

Kabacan LGU, planong magtatayo ng bagong Mega Public Market

Written by: Rhoderick Beñez

(Kabacan, North Cotabato/January 6, 2012) ---Pag-aaralan pa ng pamunuan ng Kabacan LGU ang planong pagpapatayo ng bagong Public Market sa bayan ng Kabacan.

Ito ang inirekomenda sa Sanggunian ng tanggapan ng Municipal Planning and development Office at ni Municipal Treasurer Priscilla Quiñones sa unang regular na session ng SB kahapon.

Una dito, may nakabinbin kasing panukala sa SB na nag-aatas sa Punong ehekutibo ng bayan na bigyan na authorization ang alkalde na si Mayor George Tan na makapag-utang para pantustus sa nasabing konstruksiyon.

Bagama’t aprubado na ang nasabing panukala, ayon kay Vice Mayor Pol Dulay, matapos napalawig hanggang ala 1:30 ang session kahapon, tiyak pa rin anyang dadaan sa butas ng karayom ang nasabing proseso, ayon sa ilang mga lokal na mambabatas.

Tinatayang aabot kasi ng P120M ang ilalaang budget sa nasabing konstruksiyon. 

Pero, depende pa rin anya ito sa gagawing Feasibility Study sa loob ng palengke at sa gagawing series of consultation sa mga stakeholders, ayon pa kay Quiñones.

Handa naman umanong makipagtulungan dito ang mga negosyante sa loob ng palengke na pinamumunuan ni Kabacan Vendors Association President Guillermo Salcedo, na naging bisita sa session kahapon.

Pero para naman kay Brgy. Poblacion Kagawad Mike Remulta, isa sa may mga pwesto sa palengke, umaapela ito ng refund sa pwesto nitong ipinatayo sa loob ng palengke ilang taon na ang nakalilipas kung sakaling maaprubahan na ang bagong iatatayong Mega Market ng Kabacan.