by: Jimmy sta. Cruz
AMAS,
Kidapawan City (Oct
15) – Abot sa 318,982 na mga maliliit na bata at sanggol ang nabigyan ng
Measles Rubella Vaccine at Oral Polio Vaccine o MRV-OPV sa buong lalawigan ng
Cotabato nitong nakalipas na Setyembre 1-30, 2014 kung saan isinagawa ang mass
immunization campaign sa buong bansa.
Ayon kay Dr. Eva Rabaya, Head ng Integrated
Provincial Health Office o IPHO, mula sa bilang na 318,982 ay abot sa 149,214 (95.49%)
ng eligible population na 156,257 ang mga batang nagkakaedad ng 9-59 months ang
nabigyan ng MRV habang 169,768 (92.60%) ng eligible
population na 183,319 ang
mga sanggol na nagkakaedad ng 0-59 months ang nabigyan ng OPV.
Nakapagtala naman ang Midsayap ng
pinakamaraming bilang ng mga batang edad 9-59 months nabigyan ng MRV at mga
sanggol edad 0-59 months na nabigyan ng OPV sa bilang na 15,479.
Matatandaang inilungsad sa Matalam, Cotabato
ang mass immunization campaign ng Dept. of Health o DOH at IPHO noong Sep. 3,
2014 kung saan naging hudyat ito para sa serye ng bakuna sa 17 munisipyo at
nag-iisang lungsod sa Cotabato.
Layon ng DOH sa pagsasagawa ng mass
immunization sa buong bansa ay upang mabawasan ang bilang ng mga sanggol at
maliliit na bata na nagkakasakit ng measles at polio hanggang sa tuluyan ng
maging zero-case sa bansa ang naturang mga karamdaman.
Target ng IPHO na maabot ang 90-95% ng
eligible population o bilang ng mga bata sa Cotabato sa naturang mass
immunization.
Una ng inilungsad ng DOH ang nationwide mass
immunization campaign noong 2012 kung saan naging epektibo ito at bumaba at
nawala ang mga outbreak ng measles.
Kaya naman ngayong taon ay muling isinagawa
ang naturang aktibidad upang makamit muli ang zero cases ng measles at polio sa
iba’t-ibang lugar sa bansa. (JIMMY STA.
CRUZ/PGO Media Center)
0 comments:
Mag-post ng isang Komento