(Pikit, Cotabato/ October 15, 2014) ---Agaw
motorsiklo ang nakikitang dahilan ng mga otoridad sa pagbaril patay sa isang
sundalo sa bayan ng Pikit, Cotabato alas 11:30 kahapon ng tanghali.
Batay sa ulat sakay ang biktima sa kanyang
motorsiklo at binabaybay ang daan ng brgy. Ginatilan ng ratratin ng di pa
nakilalang suspek at tinangay ang sasakyan nito.
Sa report ng Pikit PNP kinilala ang biktima
na si PFC Prenel Obeso, na naka destino sa Alpha Coy, 7IB, 6ID, PA.
Pinaslang ang biktima ng di pa nakilalang
suspek gamit ang kalibre .45 na baril sa ulo na naging dahilan ng agaran nitong
kamatayan.
Tumakas ang suspek sa di malamang direksiyon.
Malaki ang paniniwala ni Col. Noel Clement
ang commanding officer ng 602nd Brigade na agaw motorsiklo ang
motibo at hindi ang anggulong may kinalaman sa pagiging sundalo nito.
Matatandaan na isa ring estudyante ng I-LINK
College of Science & Technology ng Midsayap ang inagawan rin ng motorsiklo
sa bahagi ng Takepan ng nasabing bayan.
Patay din ang biktima na kinilalang si Michael
De Ocampo, graduating automotive student ng nasabing paaralan ng pagbabarilin
ng mga suspek.
Ito na ang ikalawang insidente ng agaw
motorsiklo sa lugar pero ni isa sa mga suspek wala pang nahuli ang mga
otoridad. Rhoderick Beñez
0 comments:
Mag-post ng isang Komento