By: Sarah Jane Guerrero
(Kabacan, Cotabato/ October 9, 2014) ---“Palengke,
ang pinakamalapit na lugar sa puso ko”. Ito ang pahayag ni Vice-president
Jejomar C. Binay, Sr. sa mga kabakenyos, noong October 9, 2014 sa kanyang
pagbisita sa bayan ng Kabacan, mismong sa pampublikong pamilihian ng bayan na
kung saan ginanap ang programa. 
Ayon pa sa kanyang mensahe, sa palengke umano siya
unang natuto sa buhay simula nang mamatay ang kanyang grade school teacher na
ina at sa palengke umano din niya nakita ang totoong masang Pilipino.
Mahigit dalawang libong mga tao ang dumagsa
at nakisalo sa Bise-presidente sa isinagawang boodle fight na ginanap lampas
ala una ng hapon noong October 9, 2014.
Ang kanyang pagbisita sa Kabacan ay
sinyales umano para sa isa pang mas malawak na pakikipag ugnayan ng pamahalaang
lokal ng Kabacan lalong lalo na sa lungsod ng Makati. Kaya naman, kanyang hinikayat
si Mayor Herlo P. Guzman, Jr na maging sister municipality ng Makati ang
Kabacan.
Isa umanong karangalan kung ang Makati at ang Kabacan ay magkakaroon
ng isang sisterhood relations.
Kanya ring inialok kay Mayor Guzman ang
computerization system program ng Makati na pupwede rin daw umanong gamitin ng
Kabacan sa lahat ng government transactions nito upang matulungang magkaroon ng
mas mataas na income ang bayan gaya ng sa Makati.
Masaya umano siya sa ipinakitang suporta ng
mga Kabakenyos sa kanyang pagbisita lalong lalo na ang sector ng Senior
Citizens, ayon pa sa kanya, isa siya sa kumikilala hindi lamang sa karapatan ng
mga senior citizens, pati na rin sa kanilang mga pangangailangan sapagakat isa
na rin umano siyang senior citizen.
Sa kanyang paniniwala, ang sector ng mga
matatanda ay isa sa naging dahilan kung bakit maunlad ang bayan ng Kabacan.
Sa kanyang huling mensahe, kanyang
ipinahayag ang kanyang kagustuhan na magkaroon ng sisterhood relations ang
Kabacan at ang City of Makati upang mas lalo pa umanong mapagsilbihan ang
mahihirap na mamamayang ng Kabacan sa pamamagitan ng sharing of resources.
Naging mapayapa ang pagbisita ni
Vice-President Binay sa bayan ng Kabacan kaya naman taos puso ang kanyang
pasasalamat sa taong bayan ng Kabacan. Dumating ang grupo ni vice-president
12:30 ng hapon at natapos ito 2:30 ng hapon.
0 comments:
Mag-post ng isang Komento