(Kabacan,
Cotabato/ October 9, 2014) ---Bantay sarado na ngayon ang bayan ng Kabacan
kaugnay sa pagbisita ni Vice President Jejomar Binay.
Kasama ng
kapulisan, mga BPAT ay nakaalerto na rin sa paligid ng bayan lalo sa sa merkado publiko kungsaan idadaos ang budol fight.
Patuloy naman
ang ginagawang clearing operation ng Kabacan PNP sa pamumuno ni PSupt. Jordine
Maribojo upang matiyak ang seguridad ng Pangalawang pangulo sa kanyang
pagbisita sa bayan.
Samantala
maging sa Kidapawan City ay nakaalerto laban sa posibleng banta sa
seguridad at maging sa daloy ng trapiko.
Nabatid na madaling araw
pa lamang kanina ay nakadeploy na ang kasundaluhan at kapulisan sa iba't ibang
lugar sa lungsod lalong-lalo na sa Kidapawan city plaza kung saan nakatakdang
isagawa ang boodle fight.
Nakatakda namang gawin
ang isang maiksing programa sa Kidapawan city Gymnasium kung saan gagawin ni
vice-president Binay ang kanyang talumpati.
Sa ngayon ay
nananatiling mabagal ang daloy ng trapiko sa National highway sakop ng
Kidapawan city lalong-lalo na sa harap ng city plaza. Rhoderick Beñez
0 comments:
Mag-post ng isang Komento