Kinarnap na Commuter Van, Narekober sa Pikit, Cotabato

By: Mark Anthony Pispis

(Pikit, Cotabato/ October 13, 2014) ---Wala nang nagawa pa ang mga hinihinalang carnaper kundi abandonahin ang isang pinaniniwalaang kinarnap na Commuter Van matapos tugisin ng mga otoridad sa sa bahagi ng River Bank ng Rio Grande de Mindanao River sa Brgy. Bago-Inged, Pikit, Cotabato alas 5:30 ng hapun Okrobre a-10 nong biyernes.

Ayon sa report ng Pikit PNP, nakatanggap umano sila report na meroong naiispatang suspected na kinarnap Commuter Van sa bahagi ng Brgy. Talitay, Pikit, Cotabato.

Agad namang nagtungo sa lugar ang pinagsanib na pwersa ng mga kapulisan ng nasabing bayan kasama si 1rst Disrtrict Board Member Dulia Sultan, sa pakikipagtulungan ng lokal na pamahalaan ng Pikit, iilang mga concerned Brgy. Officials, at ilang mga MILF Commanders para sa posibleng pagkarekober ng sasakyan.

Agad namang namataan ang isang kulay Silver na Toyota HiAce Commuter Van na may Temporary Plate No. na NR 1222-15647771 na nilalakbay ang daang papunta sa naturang Brgy. at agad nila itong hinabol at nang malapit na itong macorner ay wala nang nagawa ang drayber nito kundi abandonahin ang nasabing sasakyan malapit sa River Bank ng Rio Grande de Mindanao sa bahagi ng Brgy. Bago-Inged Pikit, Cotabato ngunit nagawa pa nitong kunin at dalhin ang susi ng ng nasabing sasakyan at tumakas sakay ang isang motorboat na nakastanby na sa lugar.

Maalalang kinarnap ang nasabing sasakyan sa bahagi ng Highway ng Maramag, Bukidnon alas 11:00 noong Octobre a-1 ng gabi.

Lulan ng nasabing van ang 18 mga pasahero buhat sa Cagayan de Oro city papuntang Davao city ng magdeklara ng hold-up ang dalawa sa mga pasahero nito at pinababa ang mga pasahero sa bahagi ng Upian Bridge sa Brgy. Kimadzel sa bayan ng Carmen.

Bago tinangay ng mga suspek ang gamit ng mga pasahero at ang nasabing sasakyan ay pinagbabaril ng mga ito ang drayber at konduktor.

Kinilala naman ang may ari ng sasakyan na si Anabel Magdua. ang Live-in partner ng konduktor.

Kinilala rin ang mga nasawing biktima na sina Alvo Velasco Limpag, 39 anyos, drayber at residente ng Mambato Agora, Brgy. Lapasan, Cagayan de Oro City ang konduktor at ang drayber na kinilalang si Ricarido Bangles Pastrano Jr., 41 anyos at residente ng Zone 8, Brgay. Cugman, Cagayan De Oro City.

Napag alaman namang tinanggal na ang Conduction Sticker ng nasabing sasakyan at di narin matagpuan ang iba pang mga dokyumento nito.

Nasa kustodiya naman ngayon ng Pikit Municipal Police Station ang nasabing sasakyan  para sa pagpapatuloy ng imbestigasyon at para sa tamang disposasyon.