By:
Sarah Jane Guerrero
(Kabacan, cotabato/ October 13, 2014)
---Mainit ang naging pagsalubong at pagtanggap ng mga miyembro ng Ciento Trenta Pedtad Farmers &
Fisherfolks Association, BLGU ng Pedtad at LGU Kabacan sa mga bisita na
kinabibilangan ng European Union delegation, World Food Programme team,
Provincial Government, Department of Agriculture, BFAR at national/local media practioners kamakalawa ng umaga,
Sabado, ika –labing isa ng Oktubre, taong 2014.
Ang nasabing pagbisita ay kaugnay sa
ibinahaging programang pangkabuhayan o “Enhancing the Resilience of Internally
Displaced Persons in Central Mindanao by Strengthening Livelihoods noong March
14, 2012.”
Layunin nito ay matulungan ang mga mamamayan ng Pedtad na guminhawa
ang kanilang pamumuhay at mapaikli ang bilang ng malnutrisyon sa pamamagitan ng
pag-aalaga at pagbebenta ng tilapiya. Ito rin ay sagot sa matinding
pangangailangan ng mga tao sa pedtad ng dagdag na kita at mga inisyatibong
magpapalawig pa sa pangangalaga ng kalikasan.
Ang nasabing proyekto ay binubuo
ng expansion of an Inland Fishpond, clearing of waterways and debris, excavation,
construction of flood control dikes, tree planting at fish handling and
processing training.
Sa loob ng dalawang taong
implementasyon ng proyekto, isang daan apa’t na pong mga magsasaka ang
kasalukuyang kasali na ngayon sa Tilapia production maliban sa kanilang iba
pang pangkabuhayan, sa isang ektarya noong 2012, ngayon ay naging apat na
ektarya na na fishpond project na pinangangasiwaan na noon ay 25 members at sa
ngayon ay 140 members na, at ang mga kababaihan ay kasali na rin sa training on
fish handling and processing.
Dagdag pa dito, lubos ang kagalakan
na nadama ng mga bisita lalong-lalo na ang European Union na siyang nagbigay ng
pondo ng proyekto sa kanilang nakita na pagbabago at pag-unlad sa Barangay
Pedtad lalo pa at aktwal nilang nakita nila ang malawak na inland fishpond at
malalaking huling tilapia ng mga fisherfolks.
Ang tagumpay ng nasabing proyekto ay
dahil na rin sa pakikipagtulungan ng World Food Programme, European Union,
Ciento Trenta Pedtad Farmers and Fisherfolks Association, Provincial Management
Office, Provincial Government of North Cotabato, Municipal Government Unit of
Kabacan (Municipal Agriculture Office), Barangay Local Government Unit of
Pedtad, DA through the office of Provincial Agriculture at Bureau of Fisheries
and Aquatic Resources (BFAR).
0 comments:
Mag-post ng isang Komento