(Kabacan, North Cotabato/ February 24, 2014)
---Patuloy ang ginagawang pagtulong ng Public Emloyment Services Office o PESO
Kabacan sa mga mamayang nais makapagtrabaho higit-lalo sa ibayong dagat.
Ayon kay PESO Kabacan Designated Manager
Engineer Jeorge S. Graza, patuloy silang nakikipagtulungan sa mga interesadong
manpower agency na siyang nagsasagawa ng Special Recruitment Activities o SRA
sa bayan.
Malaking tulong umano sa mga mamamayan ang SRA sapagkat matutulungan
ang mga naghahanap ng trabaho na mas mapababa pa kanilang gastusin sapagkat ang
mga recruitment agencies na ang pumupunta sa bayan para tumanggap ng aplikante.
Dagdag pa ni Graza na sa loob lamang ng
taong kasalukuyan, sila ay nakapagsagawa na ng apat na Special Recruitment
Activities katuwang ang mga recruitmen agencies.
Hinimok naman niya ang mga mamamayang nais
magkatrabaho sa ibayong dagat na makipag-ugnayan sa kanilang tanggapan upang
mabatid kung anong tulong ang pweding maipagkaloob sa kanila.(Abdullah Matucan)
0 comments:
Mag-post ng isang Komento