(Kabacan, North Cotabato/ February 24, 2014)
---Dead on arrival sa ospital ang isang 65-anyos na biyuda habang 5 ang naiulat na sugatan sa banggan ng
6 wheeler truck at tractor sa National Highway partikular sa Sitio Lumayong,
Kayaga, Kabacan, Cotabato alas 3:00 ng hapon nitong Sabado.
Kinilala ni Supt. Jordine Maribojo, hepe ng
Kabacan PNP ang nasawi na si Nene Baranguer, residente ng nasabing lugar.
Batay sa inisyal na pagsisiyasat, binabaybay
ng tractor trailer na minamaneho ni Taher Daluda Esmael residente ng Datu
Montawal, Maguindanao ang kahabaan ng Davao-Cotabato highway ng mag-over take
ang isang 6 wheeler Fuzo Truck na may license plate LDC 399 na minamaneho naman
ni Glenn Sinugbuhan tubong Landasan, Parang, Maguindanao.
Nabangga ang trailer dahilan para mawalan ng
kontrol ito at sinuwag nito ang katabing bahay sa gilid ng highway na
pag-mamay-ari ni Naks Kalantungan.
Dalawa katao ang nasa loob ng bahay ng
mangyari ang aksidente, isa dito ang patay habang kinilala naman ang sugatan na
si Babai Kalantungan, 58.
Sugatan din ang drayber ng trailer at
dalawang mga menor de edad na batang lalaki na mabilis na isinugod sa KAbacan
Medical Specialist Center.
Sa ngayon patuloy pa ang ginagawang
imbestigasyon ng mga otoridad. Rhoderick Beñez
0 comments:
Mag-post ng isang Komento