(President Roxas, North Cotabato/ February 28, 2014) ---Inaalam
na ngayon ng mga otoridad kung anung grupo ang may kagagawan ng pagpapasabog sa
sasakyan ng isang Alkalde sa North Cotabato dakong alas 2:45 ng hapon kahapon.
Nakilala ang mga sugatan na sina SPO4 Castillo, PO3
Ilagas at PO2 Joselex Avena na pawang mga security escort ni President Roxas
Mayor Jaime Mahimpit.
Ayon sa nakalap na report
lulan si Mayor Jaime Mahimpit sa kanyang sasakyan patungong Brgy Inda sa bayan
ng President Roxas, North Cotabato para tingnan ang isang road concreting
project nang biglang sumabog ang isang roadside bomb.
Nakaligtas si Mayor Mahimpit ngunit sugatan ang kanyang
tatlong police escort.
Ang mga sugatan ay agad isinugod sa New Cebu Hospital sa
President Roxas NCot.
Malaki naman ang paniniwala ng pulisya at militar na
landmine ang sumabog at itoy kagagawan ng New People’s Army o NPA.
Sa ngayon patuloy ang ginagawang imbestigasyon ng mga
otoridad at pagtugis sa mga responsable sa nasabing krimen. Rhoderick Beñez
0 comments:
Mag-post ng isang Komento