(Kidapawan City/ February 20, 2014) ---Magiging
Pambato sa National level competition ng Department of Education Region 12 ang Kidapawan
City National High School makaraang hirangin bilang awardee sa katatapos lamang
na Outstanding Barkada Kontra Droga o BAKODA sa buong rehiyon dose.
Nanguna ang KCNHS sa BAKODA program sa
pamamagitan ng kanilang action program on drug vaccination, school community
based implementation, drug prevention activities, project and organization at
massive information drive.
Ito ay matapos makita ang kanilang
epektibong kampanya upang maging drug-free ang KCNHS na pangunahing layunin ng
programa.
Kasama rin dito ang aktibong partisipasyon ng mga guro, estudyante at
school personnel at pakikipag-ugnayan ng paaralan sa mga organisasyon ,
government officials at non government organization sa layuning maiwas ang mga
kabataan sa iligal na droga.
Dahil dito, isinusulong ngayon sa
Sangguniang Panlungsod ni City Councilor at Committee on Education Chair Ruby
Padilla Sison ang isang resulosyon na bigyan ng pagkilala ang KCNHS sa
karangalang natanggap nito. Rhoderick Beñez
0 comments:
Mag-post ng isang Komento