(Maguindanao/ February 20, 2014) ---Nabawi
ng militar ang mga matataas na uri ng armas nang makasagupa nito ang mga
armadong grupo sa Barangay Nabundas Shariff Saydona Mustapha, Maguindanao
nitong Martes.
Ayon kay 6th Infantry (Kampilan) Division
Phil.Army Spokesman Colonel Dickson Hermoso na habang nagpapatrolya ang mga
tauhan ng Bravo Company ng 45th Infantry Battalion Phil.Army sa bahagi ng
Maguindanao ay bigla itong pinaputukan ng mga myembro ng Bangsamoro Islamic
Freedom Fighters (BIFF).
Dahil dito nagkaroon ng palitan ng putok
matapos na gumanti ang mga sundalo dahilan ng tatlumpung minutong palitan ng
putok sa magkabilang panig.
Umatras ang mga rebelde patungong Liguasan
Marsh ng dumating ang karagdagang pwersa ng militar.
Walang nasugatan sa panig ng 45th IB habang
di matiyak sa mga rebelde.
Narekober ng mga sundalo sa lugar kung saan
nangyari ang sagupaan a ang dalawang M16-Armalite rifles,isang M14 Rifle at mga
buhay na bala na iniwan ng rebelde.
Sa kasalukuyan ay nagpapatuloy ang hot
pursuit operation ng militar laban sa BIFF.
0 comments:
Mag-post ng isang Komento