(Kabacan, North Cotabato/ February 26,
2014)---Naghihimas ngayon ng rehas na bakal ang isang 18 anyos na lalaki matapos itong mahuli sa pamamagitan ng
Citizen’s Arrest sa Aglipay St., Poblacion, Kabacan, Cotabato alas kwatro bente
singko kahapon ng hapon kung saan nakuha sa pag iingat nito ang isang GATEWAY
Laptop na kulay metal na pag-aari ni Airen Doong Rosete, isang guro sa
University of Southern Mindanao.
Ang naturang menor de edad ay isa umanong
bakla, walang asawa at residente ng Baranggay Nangaan, Kabacan, Cotabato.
Bukod sa nasabing LAPTOP, nakuha rin sa pag-iingat
ng suspek ang iba’t-ibang uri ng susi ng Microbiology Laboratory ng College of
Arts and Science, University of Southern Mindanao kung saan personal itong
kinilala ni Bai Sharifa Mamalo, isang guro dito sa USM.
Sa ngayon ay kasalukuyang nasa kustodiya na
ng Kabacan PNP habang patuloy pa ang imbestigasyon.
Inaalam din ng PNP kung may
direktang kinalaman ang suspek sa serye ng nakawan sa loob ng USM kung saan
matatandaang ilang mga USM faculty na ang naiulat na nakawan.
0 comments:
Mag-post ng isang Komento