“No mining policy” sa Tulunan, North Cotabato; isinusulong ng mambabatas

(Tulunan, North Cotabato/ July 3, 2013) ---Tutol ang ilang lokal na mambabatas sa bayan ng Tulunan sa panukalang pagpasok ng large Scale mining sa lugar.

Ayon kay Councilor Ruel Pipip Limbungan, kanyang isusulong sa Sanggunian ang panukalang “No mining policy” sa bayan.

Ginawa ng opisyal ang pahayag sa isinagawang oath taking ceremony sa ABC Hall ng munisipyo ng Tulunan nitong Lunes.

Sinabi nitong matindi ang pinsalang maidudulot ng large scale mining sa pagkasira ng kabukiran nang bayan.

Matindi din umano ang maidudulot nito na kalamidad gaya ng mga pagbaha.

Dagdag pa ng opisyal na malaki rin ang iniwang pinsala ng nakaraang pagbaha sa bayan.

Sa kabila nito, hindi naman tutol si Limbungan sa small scale mining.

Nagpahayag din aniya siya ng pasasalamat sa lahat ng sumuporta sa kanya kungsaan nais din nitong ibalik sa mamamayan ng tapat na serbisyo dahil may malaking responsibilidad na nakaatang sa kanya. (Rhoderick Beñez and Ronald Ronald Padojinog)