Oath taking and turn over ceremony ng mga bagong opisyal ng Kabacan, gagawin ngayong umaga

(Kabacan, North Cotabato/ June 28, 2013) ---Isasagawa ngayong umaga ang oath taking at turn over ceremony ng mga bagong halal na lokal na opisyal ng Kabacan.

Batay sa opisyal na programang inihanda ng pamahalaang lokal ng Kabacan gagawin ang nasabing programa sa Municipal gymnasium alas 8:00 ngayong umaga.
Manunumpa ang mga bagong opisyales na nailuklok sa pwesto kay Cotabato Gov. Emmylou “Lala” Taliño Mendoza na siya ring panauhing pandangal sa nasabing seremonya ngayong umaga.

Ipepresinta naman ni Municipal Local government Operation Officer Jasmin Musaid ang mga newly elected officials ng Kabacan.

Magbibigay naman ng kanyang mensahe si outgoing mayor George Tan kungsaan kanyang ililipat ang simbolo ng posisyon at kapangyarihang pamunuan ang Kabacan kay Mayor elect Herlo Guzman, Jr..

Ang nasabing aktibidad ay bukas sa lahat ng mga mamamayan at mga imbitadong bisita.

Kaugnay nito, ngayong umaga rin gagawin ang oath taking ni Cot. Gov. Emmylou LALa Talino Mendoza.

Ang nasabing programa ay gagawin sa Capitol gymnasium, Amas, Kidapawan city alas 9:00 ngayong umaga. (Rhoderick Beñez)