(Kabacan, North Cotabato/ January 11, 2014)
---Maliban sa pagtaas ng presyo ng bigas, sumirit din maging ang presyo ng isda
sa Mercado Publiko ng Kabacan kaya, panibagong pasanin na naman ito sa budget
ng Pamilya.
Ayon kay Maymay, tindera ng isang pwesto ng
isdaan sa palengke, sumipa ang presyo ng isa ng P20 sa kadahilanang tumaas rin
ang presyo ng kanilang inaangkatan at wala silang magagawa kundi magtaas rin ng
presyo.
Ang bodboron na dati ay P80/kilo ngayon ay
P100/kilo na, ang barilison na dati P260/kilo ngayon ay 280/kilo na.
Ang maliliit na Matambaka na dati P120/kilo
ngayon ay P140/kilo na, ang malalaki na dati P160/kilo ngayon ay P180/kilo na.
At ang bangus ay nadagdagan din ang P20 sa
bawat laki, ang dating maliliit na P80, P100 na ngayon, at ang katatamtaman sa
laki na bangus na dati P100 ngayon ay P120 na, at ang malalaki na dati P110
ngayon ay P130 na, pati ang pusit ay nagtaas rin ng presyo, ang dati P100/kilo,
ngayon ay P120/kilo na rin.
Samantala nanatili naman sa dati nitong
presyo ang karne ng baboy, baka at manok . Rhoderick
Beñez with report from Mark Anthony Pispis USM Devcom Intern
0 comments:
Mag-post ng isang Komento