(Kabacan, North Cotabato/ July 16,
2015) ---Nagbigay ngayon ng paalala ang Kabacan PNP Traffic Divission sa mga
motorista sa bayan lalong lalo na ang mga motorista sa loob ng USM Compound
matapos na maitala ang vehicular accident sa loob ng pamantasan alas 5:00 ng
hapon kamakalawa.
Ayon kay PSI Ronnie Cordero ang OIC
Chief ng Kabacan PNP sa panayam ng DXVL News, nangyari ang insidente sa harap
ng USMECCO Building, USM Compound, Kabacan.
Lumalabas sa inisyal na imbestigasyon
na papatawid sa kabilang linya ng highway ang biktimang kinilalang si Rena
Alolod Datucan, 28 anyos, dalaga isang 4rth Year AB Pol Scie Student ng
pamantasan, residente ng Polomolok, South Cotabato ng mabangga ng humaharurot
na isang Rusi na motorsiklo, kulay pula, may plakang 9539 OV, na minamaneho ng
isang Jaharie Dayandang, 21 anyos, binata, residente ng Sunrise Street, Pob.
Kabacan.
Dahil sa lakas ng impact ay nagkaroon
ng sugat ang biktima sa kanyang mukha at galos sa ibang bahagi ng kanyang
katawan.
Agad namang isinugod ang biktima sa
USM Hospital ng mga sibilyang nakakita at naroon sa lugar.
Nabatid na rumisponde rin sa nasabing
insedente ang USM Security Force.
Sa ngayon ay patuloy pang
nagpapagaling sa natamo nitong sugat ang biktima.
Nangako namang sasagutin ng pamilya
ng nakabonggo ang gastuhin sa pagpapagamot ni Datucan. Mark Anthony Pispis
0 comments:
Mag-post ng isang Komento