(Kabacan, North Cotabato/ July 14,
2015) ---Personal grudge at pagnanakaw ang tinitingnang anggulo sa pagbaril
–patay sa mag-asawa at isang dalagita sa Brgy. Aringay, Kabacan, Cotabato noong
Sabado alas 8 ng gabi.
Ito ang inihayag ni PSI Ronnie
Cordero OIC Chief ng Kabacan PNP sa panayam ng DXVL news.
Ipinaliwanag din ng opisyal na
nawawala ang Kia Avila, kulay itim na may plaka numero MCY 220 na sasakyan ng
biktima na posibleng ginawang get-away vehicle ng mga suspek.
Sa joint investigation ng Kabacan PNP
at ng SOCO team napag-alamang kabilang sa mga nawawalang gamit sa bahay ng mga
biktima ang digital electronic stove na nagkakahalaga ng 64 thousand, portable
chainsaw na nagkakahalaga ng 11 thousand, isang set ng desktop computer, 2
units ng handheld radios, 1 unit air compressor na nagkakahalaga ng 6 thousand,
1 unit Samsung Galaxy cellphone, 3 units cellphone na nagkakahalaga ng 25
thousand, wristwatch na nagkakahalaga ng 8 thousand at di pa maestimate na
halaga ng pera.
Inihayag din ni PSI Cordero na posibleng
kilala ng mga biktima na sina Roger Gracia , ang asawa nito na si Milcha Gracia
at ang pamangking dalagita na si Danny Anne Dapon Gracia ang mga suspek dahil siniguro
talagang patayin ang mga ito nang pagbabarilin sa ulo na nakadapa gamit ang
calibre.45 at M16 na baril. Christine
Limos
0 comments:
Mag-post ng isang Komento