(Kabacan, North Cotabato/ July 14, 2015) ---Kasado na ang gagawing Tree Growing
Activity ng DXVL Radyo ng Bayan bilang bahagi ng aktibidad sa ika-siyam na
taong anibersaryo ng istasyon.
Gagawin ang nasabing aktibidad alas
5:30 hanggang alas 7:00 ng umaga bukas na isasagawa sa loob ng USM compound.
Iba’t-ibang mga organisasyon ang
sasali sa nasabing tree growing.
Katuwang ng DXVL ang Menro Kabacan sa
pamumuno ni Menro Officer Gerry Loaogan, kasama ang College of Arts and
Sciences sa pangunguna ni CAS Dean Dr. Evangeline Tangonan at ni NSTP Director
Dr. May Eva Garcia at ang University Student Government o USG.
Kabilang naman sa mga itatanim ay ang
Narra at Mabolo.
Pinasalamatan din ng himpilang ito
ang mga sponsors na tumataguyod ng nasabing aktibidad.
Inaasahan namang dadalo sa nasabing
aktibidad si Mayor Herlo Guzman Jr., USM Pres. Dr. Francisco Garcia bilang
suporta ng mga ito sa mga programang humihikayat na alagaan ang kapaligiran at
inang kalikasan.
Katuwang din ng himpilang ito sa nasabing
gawain ang TRIMMOC, Earth Savers Club, IVCF Kabacan at iba’t ibang mga
fraternities and sororities.
Ang Tree Growing Activity ay bahagi
ng ika-siyam na taong anibersaryo ng DXVL na may temang DXVL @9: Lakas ng Radyo
Kaagapay ng Bayan sa Serbisyo Publiko. Rhoderick
Beñez
0 comments:
Mag-post ng isang Komento