(Kabacan, North cotabato/ July 5, 2013) ---Narekober
ng pinagsanib na pwersa ng mga elemento ng Kabacan PNP at ng 7th IB
kasama ng tropa ng Cafgu ang ninakaw na motorsiklo sa bayan ng Pikit.
Sa report ni 7th Infantry
Battalion Commanding Officer Lt. Larry Valdez isang kulay itim na DT YAMAHA ang
ninakaw alas 6:00 ng umaga nitong Miyerkules.
Ang nasabing sasakyan ay pagmamay-ari ni PO1
Marlon Moreno, 36, may asawa, residente ng bayan ng Pikit at nakadestino sa
Pagalungan PNP.
Dinala ang nasabing sasakyan sa Brgy.
Cuyapon kungsaan nahuli ang tatlong mga salarin sa pinagsanib na operasyon ng
mga otoridad, partikular sa Sitio Garcia.
Kinilala ang tatlong mga suspek na sina:
Sorin Udag, 30, tubong Kayaga, Kabacan; Datu Ryan Sultan, 28, Rajamuda, Pikit;
at Badrudin Abid, 21 at residente ng Lapu-lapu St., Poblacion, Kabacan.
Inareglo umano ni PO1 Moreno ang tatlong mga
suspek sa Kabacan PNP kaya pinakawalan ang tatlo mula sa kustodiya ng pulisya
at inilipat ang imbestigasyon sa Pagalungan PNP.
Inalmahan naman ng Kabacan PNP ang nasabing
hakbang ng pulis na biktima, sa ginawa nitong pag-areglo sa tatlong mga suspek,
ito dahil matapos maghirap sa isinagawang operasyon at marekober ang nasabing
sasakyan ay nabalewala ang kanilang pinaghirapan.
Ayon sa PNP Kabacan, anila makakabalik naman
sa dating gawain ang mga iyon dahil sa ginawang pag-areglo. (Rhoderick Beñez)
0 comments:
Mag-post ng isang Komento