(Amas, Kidapawan City/ July
4, 2013) ---Isinagawa ang kauna-unahang Peace and Order council meeting ilang
araw matapos na manumpa sa kanyang ikalawang termino si Cotabato Gov. Emmylou
Lala Talino Mendoza.
Mismong ang gobernador
ang nanguna sa nasabing pagpupulong na isinagawa sa Capitol Rooftop, Amas,
kidapawan city, kahapon.
Nagbigay naman ng ulat
hinggil sa sitwasyon ng probinsiya sa Peace and Order ang pamunuan ng 602nd brigade
ng Philippine Army at Police Provincial Office.
Ayon kay
602nd Brigader General Ademar Tomaro nakahanda umano ang kasapi
ng sundalo sa posibleng kaguluhan na magaganap sa probinsiya kungsaan hawak
nito ang 11 mga munisipyo ng lalawigan.
Iniulat din nito ang
ilang mga insedente ng harassment sa ilang mga lugar ng tulunan, Matalam at
Midsayap kungsaan kanyang binigyang diin ang bayan ng tulunan na humupa na ang
kaguluhan matapos na maglagay ng Task Force Barko-barko sa may Barangay Maybul.
Samantala sa kabilang
dako, inilahad naman ni Police Senior Superintendent Danilo Peralta, ang Police
Director ng Cotabato ang crime index ng probinsiya.
Aniya, mas mataas ang
krimen sa buong probinsiya sa unang quarter ng taon kung ikukumpara sa
ikalawang quarter sa larangan ng streets, property at physical crimes.
Ito makaraan ang serye
ng mga operasyon ng kanyang mga tauhan.
Sa kabila nito, aminado
naman si Peralta na ang peace and order sa lalawigan ay “unpredictable” ito
dahil na rin sa presensiya ng ilang armadong grupo kagaya ng Bangsamoro Islamic
Freedom Fighters (BIFF).
Sa kabuuan, kapwa
humihingi ngayon ng suporta ang dalawa sa kooperasyon ng bawat isa. (Rhoderick
Beñez)
0 comments:
Mag-post ng isang Komento