(Kabacan, North Cotabato/ November 25, 2015)
---Dead on Arrival sa bahay pagamutan ang Purok President ng Plang Village
makaraang pagbabarilin ng di pa nakilalang suspek sa harap ng USM Annex tapat lamang ng
kanilang entrance gate na nasa Aringay road, Poblacion, Kabacan, North Cotabato
alas 4:30 kahapon ng hapon.
Kinilala ni PSI Ronnie Cordero, hepe ng
Kabacan PNP ang biktima na si Taya Jun Talusan Moreno, 53-anyos, may asawa,
isang negosyante at residente ng Plang Village II, Poblacion ng bayang ito.
Batay sa ulat, pauwi ang biktima buhat sa
Brgy. Hall ng Poblacion sakay ng kanyang
kulay pulang 150R Scoter ng pagdating sa lugar ay pinagbabaril ng riding
tandem criminals.
Nagtamo ang biktima ng tama ng bala sa
kaliwang tenga nito.
Gamit ng suspek ang kalibre .45 na pistola
batay sa mga bala na narekober sa crime scene.
Naisugod pa sa Kabacan Medical Specialist
ang biktima pero binawian na rin ito ng buhay.
Ayon kay Kapitan Mike Remulta ng Brgy.
Poblacion, bago nangyari ang insidente ay nag-usap pa sila ng biktima.
Pero bigla itong nagpaalam sa kapitan upang umuwi
dahil sa nababadyang pagbuhos ng ulan.
Posible umanong binantayan ang biktima ng
mga riding criminals ng ito ay pauwi na.
Hindi lubos maisip ni Misis Luz ang sinapit
ng kanyang mister, dahil wala naman umanong nakikitang kalaban ang mister
dahilan para ito paslangin.
Kung matatandaan, pinasabugan din ng granada
ang bahay ng biktima noong Enero a-12 ng kasalukuyang taon.
Nagsasagawa na ngayon ng malalimang
imbestigasyon ang mga otoridad sa sinapit ni Moreno at inaalam ang motibo sa
nasabing krimen. Rhoderick Beñez
0 comments:
Mag-post ng isang Komento