(Kabacan, North Cotabato/ November 23, 2015)
---Aasahan ang 2-3 oras na rotational brownout sa service area ng Cotabato Electric
Cooperative o Cotelco, araw-araw hanggang sa unang linggo ng Disyembre.
Ito ang inilabas na anunsyo ng pamunuan ng
Cotelco matapos ang di inaasahang pag-shut down ng Therma South Inc. o TSI Unit
2 na nag-po-produce ng 130MW at ang ipinapatupad na Preventive Maintenance ng Therma
Marine Inc. o TMI Engine 2 na may 50MW capacity.
Dahil dito, sinabi ni Cotelco Spokesperson
Vincent Baguio na posibleng hanggang sa Unang araw pa ng Disyembre maayos at
maibalik ang serbisyo ng nasabing mga Independent Power Producer Plant sa
ilalim ng pamamahala ng Aboitiz Power.
Humihingi din ng pang-unawa sa miyembro
konsumedures ang Cotelco, dahil hindi lamang ang kanilang kooperatiba ang
apektado dito bagkus maging ang ilang distribution utilities sa Mindanao.
Humahanap na rin ngayon ng makukuhanan ng
ibang supply ng kuryente ang cotelco sa pamamagitan ng pag-re-market.
Sa ngayon kasi, nasa 18-19MW lamang ang
pinapa-maintain ng National Grid Corporation of the Philippines o NGCP sa
kooperatiba.
Kaya aasahan na ang 2-3 oras na brownout
araw-araw, pero kung anung eksaktong oras ito ipapatupad, wala pang schedule
ang Cotelco dito. USM Devcom Intern
Jayson Remo
0 comments:
Mag-post ng isang Komento