Walang schedule ng preventive maintenance na gagawin sa May 3 sa laban ni Pacquiao ---NGCP

By: Christine Limos

Wala umanong schedule ng preventive maintenance na gagawin ang National Grid Corporation of the Philippines o NGCP sa darating na Mayo a-3 sa laban ni Manny Pacquiao.

Ito ang sinabi sa DXVL News niNGCP Operation Communication and Public Affairs Officer for Mindanao Milfrance “Bambie” Capulong.

Sa panayam ng DXVL news inihayag ni Capulong na nakikipag ugnayan ang lahat ng sektor ng energy industry sa generation distribution sector maging sa Department of Energy at sa
pamahalaan upang walang mangyaring brown out sa darating na Linggo. 

Dagdag pa niya na lahat naman umano ng Pinoy ay nasasabik na mapanood ang laban ni Pacquiao at ni Mayweather.

Aniya, ang NGCP umano ay committed sa pagbibigay ng ligtas, reliable at tuloy tuloy na supply ng kuryente sa mga konsumidores upang hindi magkaroon ng matagalang brown out kahit summer season.

Nagbigay din ng paalala ang kawani sa mga mamamayan na mag ingat sa mga tower ng kuryente dahil sobrang mapanganib ang mga ito.

 Samantala, inihayag naman ng pamunuan ng University of Southern Mindanao, na mapapanood naman sa isang wide screen sa USM gym ang laban ni Manny Pacquiao sa Mayo a-3. Maging ang LGU Kabacan ay nagpahayag din na magkakaroon din sila ng libreng viewing sa laban ni Manny Pacquiao.