By: Christine Limos
(Matalam, North Cotabato/ May 1, 2015)
---Pormal ng nagsimula ang 5th Gov. Lala Summer Peace Kids Camp
kahapon sa Matalam Central Elementary School sa bayan ng Matalam, North
Cotabato.
Ito ay ayon kay Matalam PNP
Operation head SPO1 Froilan Gravidez sa panayam ng DXVL news.
Aniya, ang Summer
Peace Kids Camp ay nilahukan ng mga mag aaral sa grade 5 na mula pa sa iba’t
ibang paaralan sa bayan ng Matalam at magtatapos ang aktibidad sa Mayo a-3.
Abot umano sa 2 libong estudyante ang
partisipante kung kaya’t bago pa magsimula ang summer kids camp ay nakapaglatag
na ng security plan ang Matalam PNP sa pangunguna ni Matalam PNP COP PCI Elias Diosma
Colonia.
Dagdag pa niya na naglagay ng police assistance center ang Matalam PNP
sa mismong loob ng Matalam Central Elementary School upang tumanggap ng anumang
reklamo at matugunan ang anumang pangyayari upang mabigyan kaagad ng police
assistance.
Kasama din umano sa naturang
aktibidad ang Provincial Government sa pangunguna ni Gov. Lala Taliño Mendoza,
LGU Matalam sa pangunguna ni Mayor Oscar M. Valdevieso, Office of the
Provincial Agriculturist na nag sponsor sa pangunguna ni Engr.Eliseo Mangliwan,
DepEd, Schools Division Superintendent Sir Omar Obas at mga BPAT members bilang
katuwang ng kapulisan sa pagsasa ayos ng seguridad upang masagawa ng matagumpay ang 3 araw na
aktibidad.
Samantala, dahil umano sa suporta ng
mamamayan ng Matalam ay nagkaroon ang PNP Matalam ng accomplishments sa illegal
na droga, illegal gambling, naka aresto ng pinaka top 5 na most wanted sa
illegal drugs at nakapag aresto ng pinaghihinalaang karnaper at naiturn over sa
may ari ang motorsiklo. Nagbigay din ng mensahe si SPO1 Gravidez para sa mga
mamamayan ng Matalam.
0 comments:
Mag-post ng isang Komento