By: Christine Limos
(Kidapawan City/ May 1, 2015) ---Sumampa na ngayon sa halos P2.8 Milyong piso ang iniwang danyos sa agrikultura ng manalasa ang Ipo ipo noong Abril
27 sa 4 na barangay sa Kidapawan City.
Ito ay ayon kay Kidapawan City CDRRMC
head Psalmer Bernalte sa panayam ng DXVL news.
Aniya, sa 2.8 milyong pisong danyos,
2.3 milyon nito ay sa mga saging at ang iba ay sa mga puno ng niyog at iba pang
pananim. Partikular umanong naging biktima ng ipo ipo ay ang baranggay Manongol,
Indangan, Perez at Meohao.
Dagdag pa ng opisyal na 6 na bahay
ang nasira, nasira din ang opisina ng BPAT ng baranggay council ng Manungol
pati na rin ang kanilang talipapa.
May mga puno rin ng niyog na nabunot
at saging, pati na rin kawayan at may mga poste rin ng kuryente na natumba. Samantala, nagpapasalamat si Bernalte na
walang casualties sa naturang pangyayari.
Inihayag din ng opisyal na sa
nagbigay na sila ng assistance bilang pagtulong sa pag aalis ng mga puno na natumba
at paglilinis ng area.
Aniya, nag meeting din umano kaagad
ang mga baranggay council upang maideklara na under state of calamity ang
kanilang baranggay at magamit ang kanilang pondo sa disaster.
Marami umanong farms ang huminto ng
operation dahil sa tagtuyot at maraming laborer ang naapektuhan nito. Ipinaliwanag
din ng opisyal na magkakaroon ng disaster meeting sa May 4 ang CDRRMC upang
ideklara sa susunod na linggo na under state of calamity ang Kidapawan City
dahil sa dry spell. Kasali din umano sa tatanggap ng assistance ang mga biktima
ng ipo ipo.
0 comments:
Mag-post ng isang Komento