(North Cotabato/ April 28, 2015) ---Patay ang dalawa katao habang 12 iba pa
ang sugatan makaraang masangkot sa panibagong vehicular accident sa National
Highway sa bayan ng Polomolok sa South Cotabato alas 3:00 ng hapon kahapon.
Sa ginawang imbestigasyon ni PO2
Harjen Pirasol ng Polomolok PNP, kinilala ang mga binawian ng buhay na sina
Pedro Herman, 58-anyos at si Jimmy Herman, nasa wastong gulang.
Habang lima naman sa kanilang mga
kaanak na sugatan ay dinala sa General Santos City Hospital habang pito ang
dinala sa isang pribadong pagamutan sa Polomolok, at kasalukuyang
nagpapagaling.
Batay sa pahayag ni Rocky Diama,
36-anyos, driver ng van na nakabangga sa van ng mga biktima, alas-3:00 ng hapon
habang binabaybay nila ang daan mula sa Koronadal patungong GenSan nang biglang
nag-overtake sa kanya ang van na sinasakyan ng mga biktima.
Sa bilis ng mga pangyayari ay hindi
na umano nito namalayan at nagkabanggaan sila.
Kasalukuyan pang iniimbestigahan ang
naturang pangyayari habang ang naturang driver naman ay nahaharap sa kasong
reckless imprudence resulting to homicide at nananatili ngayon sa selda sa
Polomolok Police Station.
0 comments:
Mag-post ng isang Komento