By: Christine
Limos
(Kabacan, North Cotabato/ April 30,
2015) ---Kinumpirma ni Local Monitoring Team Jabib Guibar na tiyak ng maipapasa
ang Bangsamoro Basic Law o BBL sa Hunyo
11 ng taong kasalukuyan.
Ginawa ni Guiabar ang pahayag matapos
isinagawa ang Office of the Presidential Adviser on the Peace Process o OPAPP
assembly kahapon sa Baranggay Aringay dito
sa bayan ng Kabacan.
Sa panayam ng DXVL news inihayag ng
opisyal na dumalo sa assembly si OPAPP Under Secretary Hon. Luisito Montalbo kung saan sinabi nitong
tuloy na tuloy na ang pagpasa ng BBL.
Dagdag pa ni Guiabar na kasama ng
OPAPP ang Kalilintad Development Foundation Incorporated o KDFI, isang NGO na
naatasang mag organize ng OPAPP assembly.
Sinabi ni LMT Jabib Guiabar na tapos
na umanong idaos ang assembliya sa mga bayan ng Mlang, Matalam, Kabacan, Pikit
at Carmen. Inaasahan umanong gaganapin ang susunod na assembliya sa mga bayan
ng Tulunan, Libungan, Midsayap at Alamada.
Samantala, inihayag din ng opisyal na
sa kasalukuyan ay pabor na sa BBL si Senador Bongbong Marcos at unti unti na
rin umanong lumalamig patungkol sa BBL si Senador Peter Cayetano. Naghahanap
umano ng paraan si Senador Cayetano upang makausap ang liderato ng MILF.
Ipinaliwanag din ni Guiabar na kapag
naipasa ang BBL mai-explore na umano ang kayamanan sa Ligwasan Marsh at hindi
lamang Bangsamoro ang makikinabang kundi ang buong Pilipinas.
0 comments:
Mag-post ng isang Komento