(Maguindanao/ April 26, 2015) ---Nasilat ng
tropa ng militar ang tangkang pambobomba ng mga rebeldeng Bangsamoro Islamic
Freedom Fighters (BIFF) kasunod ng pagkakarekober sa isang bomba sa tulay ng
Brgy. Meta, Datu Unsay, Maguindanao kamakalawa.
Ayon kay Captain Jo-ann Petinglay,
Spokesperson ng Army’s 6th Infantry Division (ID) dakong alas-11 ng tanghali ng
marekober ang bomba.
Ang Improvised Explosive Device (IED) ay
itinanim ng mga pinaghihinalaang BIFF sa may tulay may 50 metro lamang ang layo
sa himpilan ng Charlie Company ng Army’s 34th Infantry Battalion (IB).
Agad namang nagresponde ang tropa ng
militar at narekober ang inabandonang bagahe na nadiskubreng bomba ang laman.
Sinabi ni Petinglay na nai-detonate naman ang
bomba matapos ang ilang minuto na mabuti na lamang na napigilan itong sumabog
at makapinsala ng sibilyan. Rhoderick
Beñez
0 comments:
Mag-post ng isang Komento