By: Mark Anthony Pispis
(Kabacan, North Cotabato/ May 1, 2015)
---Nakahanda na ang pondong nakalaan para sa mga magsasakang naapektuhan sa nakaraang
drought season sa bayan ng Kabacan.
Ayon kay Kabacan Municipal Agriculturist
Sassong Pakkal sa kanyang pahayag sa isinagawang SB Session kahapon, naantala
umano ang pamimigay ng mga ito bunsod na rin sa patuloy pa ring nararanasang
init ng panahon sa bayan nitong mga nakaraang araw.
Bagama’t mayroon nang nakalaang pondo
para dito mula sa ibinigay ng DA National Office at mula sa Calamity Fund ng
bayan ay nangangamba itong baka hindi tumubo ang mga dahil sa patuloy na
nararanasang tag-init.
Kanya lamang umanong sinisiguro na sa
panahong ibibigay na ang mga binhi na itatanim ng mga magsasaka ay makakaranas
na ng pag-ulan ang bayan nang mabuhay ang mga ito.
Nagpaabot naman ng mungkahi si Councilor
Jonathan Tabara na ito na ang tamang panahon sapagkat nakaranas na ng tag-ulan ang
bayan ilang araw na ang lumilipas.
Nangako naman ang opisyal sa SB na
makikipag-usap kaagad ito kay Mayor Herlo Guzman Jr. upang maibigay sa mga
apektadong magsasaka ang ayuda para sa mga ito.
Kasama sa mga ipapamahaging mga
seedlings ay palay mais at mga vegetable crops.
Maalalang ang bayan ng Kabacan ang
unang bayan sa probinsiya ng North Cotabato na isinailalim sa State of Calamity
noong April 8, 2015 bunga ng naranasang tagtuyot sa lalawigan ng mga nakaraang
buwan.
0 comments:
Mag-post ng isang Komento