(Lanao Del Sur/ April 28, 2015) ---Anim
na ang kumpirmadong patay sa madugong magkasunod na rido o clan war sa bayan ng
Wao, Lanao Del Sur.
Sinasabing nagsimulang sumiklab ang
clan war makaraang pagpapatayin ng ‘di-pa kilalang kalalakihan ang dalawang
menor-de-edad noong Biyernes ng hapon, ayon sa hepe ng Wao PNP na si P/Chief
Inspector Ericson Banaga.
Nabatid na nagpapastol lamang ng mga
alagang kalabaw ang mga biktimang may edad 13 at 15 sa bahagi ng Barangay Campo
Dos Park Area nang biglang pagtatagain hanggang sa mapatay.
Ayon sa ulat, natagpuan ang bangkay
ng mga biktima sa ilog at sa ilalim ng isang sasakyan.
Samantala, matapos ang insidente
nasundan pa ito noong Sabado ng umaga nang biglang pagbabarilin ng mga
di-kilalang kalalakihan ang ilang residente sa Sitio Magampong na nagresulta ng
pagkamatay ng apat habang siyam naman ang nasugatan kabilang na ang dalawang
buntis.
Narekober sa crime scene ang mga
basyo ng bala mula sa iba’t ibang uri ng baril habang patuloy naman ang
imbestigasyon.
Kasalukuyang nakaalerto ang mga
awtoridad sa anumang muling magaganap na karahasan sa nabanggit na lugar. Rhoderick Beñez
0 comments:
Mag-post ng isang Komento