(Maguindanao/ April 28, 2015) ---Hanggang
ngayon ay hindi pa rin natunton ng mga otoridad ang kinalalagyan ng dalagita na
dinukot sa Buluan, Maguindanao.
Ayon kay Buluan Chief of Police,
S/Insp. Alonto Arobinto, naganap ang pagdukot noong April 1 ngunit ngayon
lamang inilabas sa publiko.
Hanggang sa mga oras na ito ay
patuloy ang negosasyon ng pamilya ng biktima at mga suspek ngunit hanggang
ngayon ay hindi pa pinapakawalan ang dalagita.
Para maproteksyunan, pansamatala
munang itinago ng mga otoridad ang identity ng biktima na 16-anyos pa lamang.
Nabatid na nakatayo ang biktima sa
harap ng kanilang tahanan nang dukutin ito ng dalawang suspek na nakilalang
sina Ryan Dilna at Kuli Dilna kung saan pilit na dinala ang dalagita sa isang
liblib na lugar sa bayan ng Mangudadatu. Rhoderick
Beñez
0 comments:
Mag-post ng isang Komento